கத்தோலிக்கக் கிறித்தவர்களின் புகழ்மிக்க ஆலயமாகப்
பாளையங்கோட்டையில் திகழ்வது ‘தூய சவேரியார் பேராலயம்’
ஆகும். கி.பி. 1838ஆம் ஆண்டு பாளையங்கோட்டைப் பங்கு
சேசு சபையாரிடம் ஒப்படைக்கப்பட்டது. சேசு சபையைச் சேர்ந்த
குருக்கள் தூய சவேரியார் ஆலயத்தைத் தோற்றுவிப்பதில் அதிக
முயற்சி எடுத்தனர். 1957-59ஆம் ஆண்டு காலத்தில் இவ்வாலயம்
தந்தை அருளானந்தம் முயற்சியால் பெரிதும் விரிவுபடுத்திக்
கட்டப்பட்டது.

பாளையங்கோட்டையிலுள்ள மற்றொரு கத்தோலிக்கக்
கிறித்தவ ஆலயம் புனித அந்தோணியார் ஆலயம் ஆகும்.

கிருஷ்ணாபுரம்

திருநெல்வேலியிலிருந்து 13 கி.மீ. தொலைவில்
(திருநெல்வேலி - திருச்செந்தூர் சாலையில்) கிருஷ்ணாபுரம்
என்ற சிற்றூர் உள்ளது. இச்சிற்றூரில் நமது பண்பாட்டின்
பெருமையைக் கூறும் வெங்கடாசலபதி கோவில் உள்ளது.