1. சுசீந்திரம் கோவில் சமயச் சிறப்புமிக்கதாகும். தாணு, மால்,
அயன் ஆகிய மூன்று தெய்வங்களையும் ஒரே வடிவில் கொண்ட
தாணுமாலயன் கருவறையில் மூர்த்தியாகக் காட்சியளிக்கிறார்.
‘தாணு’ சிவனையும், ‘மால்’ விஷ்ணுவையும், ‘அயன்’
பிரம்மனையும் குறிக்கிறது. மூலவரான லிங்கத்தின் மேல்பாகம்
சிவனது அம்சமாகவும், நடுப்பாகம் விஷ்ணுவின் அம்சமாகவும்,
அடிப்பாகம் பிரம்மனின் அம்சமாகவும் கருதப்படுகிறது. இதன்
மூலம் சைவ-வைணவ சமரசக் கோவிலாக இது விளங்குகிறது.

2. சித்திர சபையில் பல்வேறு தெய்வங்கள் உள்ளன.
இச்சபையின் நடுவில் ஒரு கண்ணாடியில் நடராசர் காட்சி
தருகிறார்.

3. சுசீந்திரம் கோவிலின் கலைச்சிறப்பு யாவரும் பார்த்து
மகிழும்படி உள்ளது. 41 மீட்டர் உயரமுள்ள இக்கோவிலின்
கோபுரம் சுதை வேலைப்பாடுமிக்கது. கோபுரத்தின்
அடிப்பகுதியிலுள்ள கருங்கற்சுவர்களில் பல அழகிய சிற்பத்
திரு உருவங்களைக் காணலாம், இக்கோபுரம் விஜயநகர அரசு
ஆட்சியில், கி.பி. 1545இல் கட்டப்பட்டது. திருவாங்கூர்
மன்னரின் திருப்பணியையும் இக்கோபுரம் கொண்டுள்ளது.