பாண்டியப் பேரரசுக் காலம்

முதலாம் குலோத்துங்க சோழன் ஆட்சிக்குப் பிறகு
பாண்டிய மன்னர்கள் மீண்டும் எழுச்சியுற்றனர். இக்காலப்
பாண்டியர்களில் மிக்க புகழ் பெற்றவர் சடையவர்மன் சுந்தர
பாண்டியன் (1251-1268) ஆவார். இவர் காலத்தில் பாண்டிய
அரசின் எல்லை தெற்கில் கன்னியாகுமரியிலிருந்து வடக்கில்
நெல்லூர்வரை பரவிப் பாண்டி அரசு ஒரு ‘பேரரசாக’ விளங்கியது.
மாறவர்மன் குலசேகரன் என்ற பாண்டிய மன்னன் கி.பி. 1279இல்
நடந்த ஒரு போரில் மூன்றாம் இராஜேந்திரன் என்ற சோழமன்னரைத்
தோற்கடித்தார். இதனால் தமிழகத்தில் சோழர்களின் ஆதிக்கம்
முடிவுற்று, பாண்டிய மன்னர்களின் ஆதிக்கம் மட்டும் நிலைபெற்றது.

இஸ்லாமிய படையெடுப்பு

இந்திய வரலாற்றில் கி.பி. 712இல் முகமது-பின்-காசிம்
தலைமையில் அரேபியர்கள் சிந்துவின்மீது படையெடுத்து அதை
வென்று ஆட்சி புரிந்தனர். கி.பி. 1206 முதல் டில்லி சுல்தான்கள்
இந்தியாவின் வட பகுதியை ஆட்சி புரியத் தொடங்கினர்.
ஆனால், இந்தியாவின் தென்பகுதியிலுள்ள தமிழகத்தில்