முகம்மது பின் துக்ளக் டில்லி சுல்தானாக ஆட்சி புரிந்த
காலத்தில் (1325-1351) தமிழகத்தின் பெரும்பகுதி டில்லி சுல்தானிய
அரசின் 23 மாநிலங்களில் ஒன்றாக இணைக்கப்பட்டது. ஆனால்,
முகம்மது பின் துக்ளக்கின் வலிமையற்ற ஆட்சியைப் பயன்படுத்தி
ஜலாலுதீன் அசன்ஷா என்ற மதுரை ஆளுனர், மதுரையைத்
தலைநகராகக்கொண்டு ‘மதுரை சுல்தானிய அரசை’ (Madurai
Sultanate) ஏற்படுத்தினார்.(1335). இஸ்லாமியப் படையெடுப்பால்
தமிழக, குறிப்பாக மதுரை, திருப்பத்தூர், திருவொற்றியூர்க்
கோயில்கள் பாதிக்கப்பட்டன. தமிழகத்தில் தர்காக்கள், மசூதிகள்
எழுந்தன. இஸ்லாமியப் பெயர்களைத் தாங்கிய நகரங்கள் எழுந்தன.