இன்றைய மொழி நூலறிஞரான திரு. கமில் சுவலபில் (Kamil
Zovelebil)*, "தமிழ், உலகத்தில் இருக்கும் மிகப் பெரிய பண்பட்ட
மொழிகளும் ஒன்று. இஃது உண்மையிலேயே அச்சொற்றொடருக்கு
ஏற்றவாறு உயர் தனிச் செம்மொழியாக (Classical Language)
இருப்பதோடு கூட இன்றும் பேச்சு மொழியாகவும் இருக்கிறது"
என்று தமது ‘தமிழ் இலக்கண நெறி வரலாறு’ (Historical Grammar of
Tamil) என்னும் நூலில் குறிப்பிட்டிருக்கிறார்.

இனிப் பிரெஞ்சு நாட்டுத் தமிழறிஞர் இருவர் தமிழ் மொழியின்
சிறப்பைப் பற்றிக் கூறியுள்ளதைக் காண்போம். பேராசிரியர் மேய்ல்
(Meil) என்பார் கூறியதாவது :

"தமிழர்கள் நல்ல பண்புடையவர்கள். இயற்கையாகவே இந்த
நற்பண்பு அவர்களிடத்தில் அமைந்திருக்கிறது. இதற்காகவேனும் நாம்
அவர்கள் மொழியாகிய தமிழைக் கற்பது நன்று... அவர்களுடைய
மொழியாகிய தமிழ் இலக்கியம் விந்தையும் வியப்பும் தரத்தக்கதாய்
வற்றாத உயர் எண்ணங்களின் ஊற்றாய் இருக்கிறது. தமிழ் மொழி
இந்தியாவின் மொழிகளுள் மிகப் பழமையானது. அதுவே முதல்
மொழியாயும் இருக்கலாம் என்று நான் நம்புகிறேன். அஃது உயர்தனிச்
செம்மொழி. அம்மொழியை நெடுங்காலத்திற்கு முன்னரே
பிரெஞ்சுக்காரர்கள் கற்றிருத்தல்
---------------------------------------
*"Tamil is one of great cultural languages of the world. It is classical language in the true sense of the term and it is at the same time as living language."