துணைவினைகளைப் பயன்படுத்தும் முறை

துணைவினை என்பது வினைச் சொல்லோடு துணயாக வருவது.
இத் துணைவினைகளைப் பயன்படுத்துவதிலும் வேறுபாடு உண்டு. கீழே
காண்க :

அருள் - உயர்வு குறித்து வரும்.

காத்தருள்.

இடு - உறுதிப்பாட்டைக் குறிக்கும்.

வேலை முடித்திட்டான்.

இரு - நிலைமையைக் குறிக்கும்

நான் போன போது அவன் படுத்திருந்தான்.

ஒழி - முழுவதும் இல்லாமையைக் குறிக்கும்.

அவன் கெட்டொழிந்தான்.

கொடு, தா. - பிறருக்குச் செய்வதைக் குறிக்கும்.

அவனுக்கு வட்டி முழுதும் தள்ளிக் கொடுத்தான்.

அவனே தன் மகனுக்குப் பாடம் சொல்லித் தந்தான்.

கொள் - தனக்காகச் செய்வதைக் குறிக்கும்.

அவனே சோறு சமைத்துக் கொள்கிறான்.

போ - ஊற்றமின்மையைக் குறிக்கும்.

அவன் யாதேனும் சொல்லிப் போகிறான்.

வா - வழக்கத்தைக் குறிக்கும்.

நான் படுக்கை விட்டெழுந்ததும் மூன்று திருக்குறளை நாள்தோறும்
படித்து மனப்பாடம் செய்து வருகிறேன்.