:: TVU ::

பயன்படுத்தும் பாங்கு

165

விடு - செயல் விரைவில் நிகழ்ந்ததைக் குறிக்கும்.

கள்ளன் எல்லாப் பொருள்களையும் கொண்டு போய்
விட்டான்; காவலாளியைக் கண்டதும் தரையில் போட்டுவிட்டு
ஓடிவிட்டான்.

வை - இப்பொழுது விட்டிருத்தலைக் குறிக்கும்.

ஓர் ஆண்டாகப் படிப்பை நிறுத்தி வைத்திருக்கிறேன்.

சொற்களையும் பொருள் அறிந்து பயன்படுத்த வேண்டும்
கீழ் வருவனவற்றைக் கவனித்துப் படிப்பது பயனளிக்கும்.

பார்த்தல் -	வரவை எதிர்ப்பார்த்தல்,இயல்பாகப் பார்த்தல்.
காணல் -	பெரியவரைப் பார்த்தல
நோக்குதல் -	குறிக்கோளோடு பார்த்தல்.
கவனித்தல் -	நுட்பமாகப் பார்த்தல்.
--------------------------------------------------
சொல்லுதல் -	சுருக்கமாகச் சொல்லுதல்.
பேசுதல் -	நெடுநேரம் உரையாடுதல்.
கூறுதல் -	கூறுபடுத்திச் சொல்லுதல்.
சாற்றுதல் -	பலரறியச் சொல்லுதல்.
பன்னுதல் -	திரும்பத் திரும்பச் சொல்லுதல்.
கொஞ்சுதல் -	செல்லமாகச் சொல்லுதல்.
பிதற்றுதல் -	பித்தனைப் போலச் சொல்லுதல்.
உளறுதல் -	ஒன்றுக்கொன்று சொல்லுதல்.
ஓதுதல் -	காதில் மெல்லச் சொல்லுதல்.
கழறுதல் -	கடிந்து சொல்லுதல்
செப்புதல் -	விடை சொல்லுதல்.
மொழிதல் -	திருத்தமாகச் சொல்லுதல்.
இயம்புதல் -	இனிமையாகச் சொல்லுதல்.
விளம்புதல் -	பலர் அறியச் சொல்லுதல்.
வற்புறுத்தல் -	அழுத்தமாகச் சொல்லுதல்.