முகப்பு

பக்கம் எண் :

தொடக்கம்

166 நல்ல தமிழ் எழுத வேண்டுமா? அருந்துதல் - மிகச் சிறிய அளவில் உட்கொள்ளுதல் (மருந்து அருந்தல்). உண்ணல் - பசி தீர உட்கொள்ளல் உறிஞ்சல் - வாயைக் குவித்துக் கொண்டு நீரியற் பண்டங்களை இழுத்துக் கொள்ளுதல். குடித்தல் - சிறிது சிறிதாய்ப் பசி நீங்க உட்கொள்ளல் (கஞ்சி குடித்தல்) தின்னல் - சுவைக்காக ஓரளவு தின்னுதல். (முறுக்குத் தின்னல்) துய்த்தல் - சுவைத்து மகிழ்ந்து உட்கொள்ளல். பருகல் - நீரியற் பண்டத்தைச் சிறிது சிறிதாய்க் குடிப்பது. விழுங்கல் - பல்லுக்கும் நாவிற்கும் வேலையின்றித் தொண்டை வழி உட்கொள்ளல். (மாத்திரை விழுங்கல்) --------------------------------------------------- சுவர் - மண் அல்லது கல்லால் அமைப்பது. மதில் - கோயில் அல்லது பெரிய வள மனைகளுக்குச் சுற்றிப் போடும் உயர்வான சுவர். --------------------------------------------------------- அறிதல் - அறிவால் அறிதல். தெரிதல் - பலவற்றுள் ஒன்றைத் தெரிந்து கண்டு கொள்ளுதல். உணர்தல் - உள்ளத்தால் அறிதல். உய்த்துணர்தல்- யூகித்து உள்ளத்தால் காணல். -------------------------------------------- உடைத்தல் - கல்லை உடைத்தல். ஒடித்தல் - கிளையை ஒடித்தல் நறுக்குதல் - துண்டு துண்டாகச் செய்தல். நொறுக்குதல் - பொடியாக்குதல். ---------------------------------------------

முன் பக்கம்

மேல்

அடுத்த பக்கம்