:: TVU ::

பயன்படுத்தும் பாங்கு

167

அறிஞர் -	அறிவில் சிறந்தவர்.
புலவர் -	புலமையுடையவர்.
மேதை -	பேரறிஞர்.
--------------------------------------------
பேச்சாளர் -	மேடைப் பேச்சில் வல்லவர்.
நாவலர் -	பெரும் பேச்சாளர் (Orator)
-----------------------------------------------
பாவலர் -	பாக்களை இயற்றுபவர்.
கவிஞர் -	கவி இயற்றுவதில் கருவிலே அமைந்த திருவுடையார் (Poet).
-------------------------------------------
குற்றுதல் -	(நெல்) குற்றுதல்.
குத்துதல் -	(கையால் உடம்பில்) குத்துதல்.
கொத்துதல் -	(கோழி) கொத்தித் தின்னல்.
----------------------------------------
கீர்த்தி -	புகழ்.
சீர்த்தி -	பெரும்புகழ்.
ஒளி -	உயிருள்ளபோது இருக்கும் கீர்த்தி.
புகழ் -	இறந்தபின்பு ஏற்படுவது. (உண்ணான் ஒளி நிறான் ஓங்கு புகழ் செய்யான் - நாலடியார் - (செல்வ நிலையாமை - செய்யுள் - 9)
------------------------------------------------
கடவுள் -	முழுமுதற் செழும்பொருள், இறைவன்.
கடவுளர் -	சிறு தெய்வங்கள்.
தெய்வங்கள் -	அச்சத்தால் வணங்கப்படுபவை.
தேவதைகள் -	கடல்தேவதை, வனதேவதை போன்ற பெண் தெய்வங்கள்.
தேவர்கள் -	சுவர்க்கத்தில் இருந்து பின்பு மண்ணுலகத்தில் பிறந்து அதன் பின்பு முத்தியுலகை அடையக்கூடியவர்கள்.
-----------------------------------------