முகப்பு

பக்கம் எண் :

தொடக்கம்

168 நல்ல தமிழ் எழுத வேண்டுமா? விறலி - மனத்தினுள் இருக்கின்ற கருத்தின் சுவையைக் கை, கால்கள் முதலிய வற்றால் தோன்றுமாறு விறல்பட நடனம் செய்பவள். அழகு - அளவு, உடற்கட்டு, நிறம் முதலிய வற்றால் கண்ணுக்கு அல்லது மனத்துக்கு இனிதாகத் தோன்றும் தன்மை. எழில் - எழும்பியிருக்க வேண்டுவன எழும்பி இனிதாகத் தோன்றும் அழகு. தோற்றம் - உடல், உள்ளம், உயிர், பண்பு, அனுபவம் சேர்ந்து காட்சியளிக்கும் தன்மை. ----------------------------------------------- மேகம் - முகில் கார்மேகம் - கரிய நீர் கொண்ட முகில் ----------------------------------------------- தூவானம் - காற்றினால் சிதறப்படும் மழைத் திவலை. தூறல் - சிறுதுளி மழை. சாரல் - தூறல். மழை - பெருந்துளியாகப் பெய்வது. சோனாமாரி - விடா மழை. ------------------------------------------- சினம் - கோபத்தின் பின் சிறிது பொழுது நிற்பது. சீற்றம் - கோபம் (சீறுவது). செற்றம் - நெடுங்காலம் இருக்கும் பகைமை. ------------------------------------------- அழுதல் - வருத்தத்தால் கண்ணீர் விடுதல். புலம்பல் - தனிமையால் சிறிது வாய்விட்டு அழுதல். அரற்றுதல் - வாய்விட்டு அழுதல், பலவும் சொல்லித் தன் குறை கூறி அழுதல். கதறுதல் - உணர்ச்சியால் வாய்விட்டு உரக்கக் கூறி அழுதல். ------------------------------------------

முன் பக்கம்

மேல்

அடுத்த பக்கம்