கி,பி.8-ஆம் நூற்றாண்டில் இயற்றப்பட்ட இறையனார்
அகப்பொருளில் பிற்கால நக்கீரர் நீண்ட உரைநடையை அழகு
படச் சூத்திரத்துக்கு உரைகூறும் முறையில் - வினாக்களை
எழுப்பி விடை அளிக்கும் வகையில் - எழுதியுள்ளார். அவ்வுரை நடை இது :

"இனிப் புகழ், பொருள், நட்பு, அறன் என்னும்
நான்கினையும் பயக்கும். இது வல்லானாக; என்னை? கற்று
வல்லன் என்பதனின் மிக்க புகழ் இல்லை. உலகத்தாரானும்
சமயத்தாரானும் ஒருங்கு புகழப்படுமாகலான் என்பது. இனிப்
பொருளும் பயக்கும், என்னை? பொருளுடையாரும் பொருள்
கொடுத்துக் கற்பவராகலின் என்பது. இனி நட்பும் பயக்கும்;
என்னை? கற்றாரைச் சார்ந்து ஒழுகவே நமக்கும் அறிவு
பெருகுமென்று பலருஞ் சார்ந்து ஒழுகலின் என்பது. இனி
அறனும் பயக்கும்; என்னை? ஞானத்தின் மிக்க கொடை
இன்மையான் என்பது. இது பயன்."

- இறையனார் அகப்பொருள்.

பாரத வெண்பாவில்

கி.பி.10-ஆம் நூற்றாண்டில் பெருந்தேவனார் இயற்றிய
பாரத வெண்பாவில் ஒரு வெண்பாவிற்கும் மற்றொரு
வெண்பாவிற்கும் இடையே மணிப்பிரவாள நடையில்
உரைநடை காணப்படுகிறது. அவ்வுரைநடை இது: "இவ்வகை
எழுந்தருளிக் காடும் மலையும் கடந்து இரண்டு திவசம் (நாள்)
வழியில் தங்கி மூன்றாம் திவசம் அஸ்தினபுரம் புகுந்தான்
ஸ்ரீவாசுதேவன் என்றவாறு."