வாக்கியத்தில் பயனிலையானது எழுவாயுடனும் திணை, பால்,
எண், இடம், இவற்றுடனும் இசைந்திருக்க வேண்டும்.

உயர்திணை எழுவாயாக இருந்தால் உயர்திணைப் பயனிலையும்,
அஃறிணை எழுவாயாக இருந்தால் அஃறிணைப் பயனிலையும்
வரவேண்டும். எழுவாய் மரியாதைப் பன்மையாய் இருந்தால்,
பயனிலையும் மரியாதைப் பன்மையாய் இருக்கவேண்டும்.

கண்ணன் கடைக்குப் போனான்.

வள்ளி விளையாடுகிறாள்.

நண்பர்கள் கூடிப் பேசுகிறார்கள்.

வண்டி ஓடுகிறது.

வண்டிகள் ஓடா.

பழங்கள் சிறியனவாய் இருக்கின்றன.

அவர் தம் வீட்டிலிருந்து இதை எடுத்துக் கொடுத்தார்.