சொல்லதிகாரத்திற்குத் தெளிவுரை இயற்றிய மகாகவி அ.கு.
ஆதித்தர், "கிறு என்னும் நிகழ்கால இடைநிலையைப் பயன்படுத்தி
நிகழ்கால வினைமுற்றால் முக்காலத்துக்கு ஒத்தியல் பொருளைக்
கூறுவதே முறையானது" என்று உதாரணங்களைக் காட்டுகிறார்
அவை வருமாறு:

மக்கள் பிறக்கிறார்கள். இறக்கிறார்கள்

பூமி சுழல்கிறது.

சர்க்கரை இனிக்கிறது.

முக்காலத்துக்கு ஒத்தியல் பொருளை நிகழ்காலத்தால்
கூறுவது பொருத்தமாகும். ஆங்கில இலக்கணமும் இக்கருத்தை
ஆதரிக்கிறது. The Sun rises in the east.

16. புலிபோல் பூனை இருந்தது. இங்குப் போல் என்றிருப்பது
சரி. போல் என்பது உவம உருபு. அவன் புலிபோலப் பாய்ந்தான்.
இங்குப் போல என்றே வரவேண்டும். இங்குப் ‘போல’ என்பது
இடைச் சொல்லடியாகப் பிறந்த வினையெச்சம்.