நம் நாட்டில் உண்மை வாழ்க்கை வரலாறு எழுதுவது மிக மிகக்
கடினம். உண்மையைக் கூறினால் குறை கூறி விட்டதாகக் கருதுவர் பலர்.
நம் மனம் இன்னும் பண்படாத காரணத்தால் உண்மை வரலாறுகள்
வெளிவருவது இந்த நூற்றாண்டில் எதிர் பார்க்கக் கூடியதாக இல்லை;
அடுத்த நூற்றாண்டில் வரலாம் போலும். என்றாலும், ஒரு சிலரது
உண்மை வாழ்க்கை வரலாற்றை எழுத முற்பட வேண்டும்.

இப்பொழுது வாழ்க்கை வரலாறு எழுதுகிறவர்கள் முற்காலத்தில்
எழுதியது போன்ற ஒருவர் வாழ்க்கையில் நடந்த எல்லா
நிகழ்ச்சிகளையும் விடாது தொடர்ச்சியாக எழுதாமல், வாழ்க்கை
வரலாற்றுக்குரியவர் வாழ்ந்த காலநிலையும், அக்காலம் எவ்வாறு
அவரை உருவாக்கியது என்பதையும், அவருடைய இளமை முதுமை
மனநிலைகள் எங்ஙனம் இருந்தன என்பதையும், எப்படி எல்லாம் அவர்
முயன்று நூலை எழுதி எத்தனை முறை திருத்தித் திருத்தி வெளியிட்டார்
என்பதையும்