டங்கன் துரையை இடங்கன் துரை என்று எழுதலாமா? டயர்
என்னுஞ் சொல்லை இடயர் என்று சொன்னால் பொருள் மாறாதா? டில்லி
என்று எழுதாமல் இடில்லி என்று எழுதினால் என்ன பொருள் ஏற்படும்?
அதனால், இச்சொல் இக்காலத்தில் தில்லி என்று எழுதப்படுகிறது.
டென்மார்க் என்னுஞ் சொல்லை இடென்மார்க்கு என்று எழுதினால்
பொருள் மாறுபடாதா? ஆதலின், இக்காலத்தில் டகரம் பிறமொழிச்
சொற்களில் மொழி முதல் எழுத்தாக வரும் எனக் கொள்க.