வியங்கோள் வினைமுற்று (Optative Verb)

வியங்கோள் வினைமுற்று மரியாதையாய்க் கட்டளையிடவும்,
வாழ்த்தவும், சபிக்கவும், வேண்டிக் கொள்ளவும் பயன்படும்; இருதிணை
ஐம்பால் மூவிடங்களுக்குப் பொதுவாக வரும். இதன் விகுதிகள் க, ய,
அல், இயர், தல், இ, உம் என்பனவாகும்.

வியங்கோள் வினைமுற்று இருதிணைக்கும் மூவிடத்திற்கும்
பொதுவாய் வரும்.

அரசனே வாழி! - உயர்திணை.
அன்னமே வாழி! - அஃறிணை.

முற்றெச்சம்

வினைமுற்று வினையெச்சப் பொருளில் வரும்போது முற்றெச்சம்
என்று சொல்லப்படும். முற்றெச்சம், முற்றுப்பேலக் காணப்படும்;
ஆனால், வினையெச்சப் பொருளைக் கொடுக்கும்.