| படுக்கையின் விபரங் காணப்படுகின்றது. நெடுநல்வாடையில் யானைக் கொம்பினாற் செய்யப்பட்டதும், நாடாவினாற் பின்னப்பட்டதும் பல்வேறு மெத்தைகள் போட்டு பூக்களி னிதழ் பரப்பித் துகிலின் தூமடி விரிக்கப்பட்டது மாகிய கட்டில் என்றும், கட்டிலின் மேல் விதானத்தில் திங்களும் உரோகிணியும் எழுதப்பட்டிருந்தனவென்றும் கூறப்படுகின்றது. |
| "புலிவடிவமைந்த காலையுடைய கட்டிலில் எலிமயிராற் செய்யப்பட்ட பூத்தொழிலையுடைய போர்வையை விரித்துக், கப்பலிலே வந்த பலவகையான படுக்கைகளில் ஆராய்ந்து படுத்து" எனப் பெருங்கதையில் கூறப்படுகின்றது. இவை செல்வர்களுக்குரிய படுக்கைகளாகும். |
| ஆயர் தடிகளினால் வரிந்து கட்டப்பட்ட கட்டிலில் ஆட்டுத்தோலைப் பாயாகக்கொண்டு உறங்குவார்க ளென்றும், எயிற்றியர் மான்றோலைப் படுக்கையாகக் கொள்வார்களென்றும் இலக்கியத்திற் சொல்லப்படு்கி்ன்றன. |
| 5. விளக்குகள் |
| வறியோர் மண்ணினால் செய்யப்பட்ட விளக்குகளைப் பயன்படுத்தினர். ஏனையோர் இரும்பு, செம்பு, வெண்கலம் முதலியவற்றாற் செய்யப்பட்ட விளக்குகளைப் பயன்படுத்தினர். யவனர்களாற் கொண்டுவரப்பட்ட அன்னவிளக்கு, பாவை விளக்கு, முதலியனவும் உபயோகிக்கப்பட்டன. |
| `யவன ரோதிம விளக்குழு (பெரும்பாண்) |
| `பாவை விளக்கிற் பரூஉச்சுடர் அழலழு (முல்லைப்பாட்டு) |
| `யவனப் பாவை அணி விளக்குழு (பெருங்கதை) |
| 6. பட்டங்கள் |
| இக்காலம் அரசரால் அளிக்கப்படும் பட்டங்களைப் போல் தமிழ் அரசர் போர்வீரருக்கும் பிறருக்கும் பல பட் |