எழுதுதல் போல்வன; செவி வழக்கில்வரும் கற்பனைக் கதைகள் போல்வன; பொய் எனப்படாது உலகியலோடியன்று நகை விளைக்கக்கூடிய கதைகள் போல்வன.

  இவ்வகைய நூல்கள் ஒன்றேனும் இன்று காணப்படவில்லை. பற்பல காரணச் செறிவால் மாண்ட தமிழ் நூல்களோடு அவையுங்கூட மடிந்தனவாகலாம்.

 

அரப்பாவிற் கண்டுபிடிக்கப்பட்ட இதய வடிவமுள்ள பெண்கள் கை வளை

  கி. பி. இரண்டாம் நூற்றாண்டில் இளங்கோவடிகள் என்னும் அரசப் புலவர் பாடிய சிலப்பதிகாரத்தில் உரைப் பாட்டுக்கள் சில காணப்படுகின்றன. அவை அடிவரையறையின்றிப் பாட்டு நடையில் அமைந்துள்ளன. அவை பொரும்பாலும் ஆசிரியத்தை ஒத்துள்ளன. கி. பி. 1-ம் நூற்றாண்டளவில் செய்யப்பட்ட இறையனார் களவியல் உரை கி. பி. 7-ம் நூற்றாண்டளவில் எழுதி வைக்கப்பட்டது. அவ்வுரைநடையின் சில பகுதிகள் செய்யுள்நடை போற்றோன்றினும் பெரும்பகுதி சிறுசிறு வசனங்களாக அமைந்துள்ளது. பெருந்தேவனார் பாரதத்தின் இடையிடையே, மணிப்பிரவாள நடையில் எழுதப்பட்ட வசன நடை இதன்பின் எழுந்தது. இவ்வசன நடை, பாரத வெண்பாப் பாடிய பெருந்தேவனார் (கி. பி. 9-ம் நூற்றாண்டு) செய்ததாகாது. கி. பி. 12-ம் நூற்றாண்டுக்குப்பின் எழுந்த உரை நடைக்கு எடுத்துக்காட்டு அடியார்க்குநல்லார், பேராசிரியர், இளம்பூரணர், நச்சினார்க்கினியர், பரிமேலழகர் முதலானோர் உரைகளாகும். பிற்கால உரைநடைக்கு எடுத்துக்காட்டு மாதவச் சிவஞான யோகிகளின் சிவஞானபோத மாபாடியமாகும்.

த. இ.-II--19