தென்கோடியான வேணாட்டில் மட்டுமே பழைய ஆய்குடியின் மரபினர் திருவிதாங்கூர்
அரசர் என்ற பெயருடன் கிட்டத்தட்டத் தொடர்ச்சியாக ஆண்டு வந்தனர். மாலிக்காபூர்
படையெடுப்பின் பின் இரவிவர்மன் குலசேகரன் என்ற திருவிதாங்கூர் அரசன் (1309-16)
மலையாளக்கரை முழுவதையும் வென்று பாண்டிய சோழ நாடுகளையும் தன் கீழ்ப்படுத்தி
1316ல் காஞ்சியில் பேரரசனாக முடிசூட்டினான். ஆனால் விரைவில் ஹொய்சளர்
படையெடுப்பினால் அவன் ஆட்சி கவிழ்ந்தது. அவன் உமா என்ற பாண்டிய
இளவரசியை மணம் செய்திருந்தான்.
|
வீரராகவன் என்ற அரசன் 1320-ல் சிறிய கிறிஸ்தவ சமூகத் தினருக்குக்
கோட்டயம் பட்டயங்களை அளித்தான். 15-ம் நூற்றாண்டின் பிற்பாதியில் வென்று
மண்கொண்ட பூதலன் என்ற நான்காம் வீரவர்மனும் அந்நூற்றாண்டிறுதியில் (1595-1607)
ஐந்தாம் இரவிவர்மாவும் ஆட்சி செய்தனர்.
|
18ம் நூற்றாண்டில் வேணாடு பல சிற்றரசுகளாகப் பிளவுபட்டி ருந்தது.
திருவிதாங்கூர் அரசர் தென்கோடியை மட்டும் ஆண்டனர். மார்த்தண்டவர்மன் என்ற
அரசன் இன்றைய திருவிதாங்கூர் எல்லை முழுவதையும் வென்று ஆண்டான்.
|
திப்பு சுல்தானை எதிர்த்தும் பாஞ்சாலங் குறிச்சிக் கிளர்ச்சியை எதிர்த்தும்
திருவிதாங்கூர் அரசர் ஆங்கில வாணிகக் கழக ஆட்சியாளர்க்குச் செய்த
உதவிகாரணமாக அவ்வரசு அவர்களின் நேசநாடு ஆயிற்று.
|
மைசூர் அரசுகள்
|
மைசூரில் ஹொய்சளர் ஆட்சி முடிவுற்றபின் 15-ம் நூற்றாண்டின்
தொடக்கத்திலேயே ஒரு சிற்றரசு தோன்றிற்று. விசயநகரப் பேரரசின் கீழ் இருந்த
தலைவர்களை எதிர்த்து அம்மரபில் வந்த
|