சமாசத்தார் கருத்து. இருவரும் ஒருவரே என்ற கருத்தும் உண்டு கணக்காயன் என்ற அடைமொழியினைப் பெற்றுள்ளமையால் இவர் ஆசிரியத் தொழில் புரிந்தவராவர்.

மதுரைக்கள்ளிற் கடையத்தன் வெண்ணாகனார்             (சங்ககாலம்)

இவர் ஊரொடு தொடர்ந்த பெயர் கொண்ட சங்கப்புலவர்களுள் ஒருவர். கள்ளில்தொண்டை நாட்டிலுள்ள ஓர் ஊர். இவ்வூரினரான கடையத்தன் என்பவருக்கு இவர் மகனாராவர். மதுரையில் தங்கியிருந்தமையால் மதுரைக்கள்ளிக் கடையத்தன் வெண்ணாகனார் என்று அழைக்கப்பட்டார்.

மதுரைக் கவுணியன் பூதத்தனார்                         (சங்ககாலம்)

இவர் ஊரொடு தொடர்ந்த பெயர் கொண்ட சங்கப் புலவர்களுள் ஒருவர்.

மதுரைக் காமக்கனி நப்பாலத்தனார்                      (சங்ககாலம்)

இவர் ஊரொடு தொடர்ந்த பெயர் கொண்ட புலவர்களுள் ஒருவர். இவர் நப்பாலத்தனார், என்ற புலவரினும் வேறானவர். நப்பாலத்தனார், காமக்கனிப் பசலையார், மாறோக்கத்துக் காமக்கனி நப்பாலத்தனார் என்ற புலவர்களினின்றும் வேறானவர்.