| நாடு பிரிந்தது!
| அன்பு வழியிலே காந்திமகான்-தம்
ஆயுள் முழுவதும் பாடுபட்டும்
என்றும் எதிரிபோல் நாட்டினிலே-சில
இந்துவும் முஸ்லீமும் சண்டையிட்டார்.
இந்துவும் முஸ்லீமும் ஒன்றுபட்டால்-நாங்கள்
இனிய விடுதலை தருவோமென்றே
அந்நிய வெள்ளையர் கூறிடவே-காந்தி
அமைதியைக் காத்திடப் பாடுபட்டார்.
ஃ ஃ ஃ
“இந்துவும் நாங்களும் ஒன்றாக
இணங்கி வாழ முடியாது.
சொந்தமாய் நாடு வேண்டும்” என்றார்,
தொடர்ந்து முஸ்லீம் லீகினரும்.
“இந்திய நாட்டைப் பிரித்திடுவீர்.
இரண்டு துண்டாய்ச் செய்திடுவீர்.
சொந்தமாய் நாடு கிடைத்தபின்பே
தொல்லைகள் தீர்ந்திடும்” என்றனரே. | | |
|
|