| 
| | விடுதலை பெற்றோம்
| வெள்ளையர் ஆட்சி முடிந்ததென
விடுதலை நாமும் அடைந்தோமென,
துள்ளிக் குதித்தனர் சிறுவரெல்லாம்;
சுதந்திர நாளைக்கொண் டாடினரே.
சின்னஞ் சிறுவர்கள் யாவருமே
சேர்ந்தனர் பள்ளியில் ஒன்றாக.
வண்ண வண்ணப்பூ, காகிதத்தால்
வகைவகை யாக அலங்கரித்தார்.
சட்டையில் சின்னக் கொடிஅணிந்து,
தாயின் மணிக்கொடி ஏற்றிவைத்து
சுற்றிலும் நின்று வணங்கினரே;
சுதந்திர தேவியை வாழ்த்தினரே. | | |
|
|