இப்பாடப் பகுதியில் இடம்பெற்ற குறுந்தொகைப் பாடல்களில் ‘ஓர் ஏர் உழவன்போல’, ‘இருள் திணிந்தன்ன சோலை’, ‘கண்ணுக்கு இனிய புதுமலர் முள்ளைத் தந்ததுபோல’- எனவரும் அழகிய உவமைகளைச் சுவைத்தீர்கள். இளைய புதுமணத் தலைவனுக்குச் சமைத்துப் பரிமாறும் ஒரு மௌனக் காட்சியைப் பார்த்தீர்கள். பிரிவும், புணர்வும் அன்பை மேலும் மிகுவிக்கின்றன எனக் கண்டீர்கள். சிறந்த பாடல் வடிவமைப்புக்கு எடுத்துக்காட்டான பாடல்களைப் படித்து அறிந்தீர்கள்.