22. பாலை

	நீர் வார் கண்ணை நீ இவண் ஒழிய,
	யாரோ பிரிகிற்பவரே?-சாரல்
	சிலம்பு அணி கொண்ட வலம் சுரி மராஅத்து
	வேனில் அம் சினை கமழும்
	தேம் ஊர் ஒண்ணுதல்!-நின்னொடும், செலவே.	உரை

87. குறிஞ்சி

	'மன்ற மராஅத்த பேஎம் முதிர் கடவுள்
	கொடியோர்த் தெறூஉம்' என்ப; யாவதும்
	கொடியர் அல்லர் எம் குன்று கெழு நாடர்;
	பசைஇப் பசந்தன்று, நுதலே;
	ஞெகிழ ஞெகிழ்ந்தன்று, தட மென் தோளே.	உரை

92. நெய்தல்

	ஞாயிறு பட்ட அகல் வாய் வானத்து-
	அளியதாமே-கொடுஞ் சிறைப் பறவை,
	இறை உற ஓங்கிய நெறி அயல் மராஅத்த
	பிள்ளை உள்வாய்ச் செரீஇய
	இரை கொண்டமையின், விரையுமால் செலவே.	உரை

211. பாலை

	அம் சில் ஓதி ஆய் வளை நெகிழ
	நொந்தும், நம் அருளார் நீத்தோர்க்கு அஞ்சல்
	எஞ்சினம் வாழி-தோழி!-எஞ்சாது
	தீய்ந்த மராஅத்து ஓங்கல் வெஞ் சினை
	வேனில் ஓர் இணர் தேனோடு ஊதி,
	ஆராது பெயரும் தும்பி
	நீர் இல் வைப்பின் சுரன் இறந்தோரே.	உரை