இதுவுமது
76.	விளங்கிய நூல்கற்றல் வேத1நெறிநின் றறுசமயம் உளங்கொண்டு போற்ற லமைச்ச ருரைகொளல் ஓர்ந்துகுடி தளர்ந்தன தாங்கல் முறைமை கெடாது தனம்பெருக்கல் அளந்து பெரும்படை 2சேர்த்த லரசர்க் கடுத்தனவே.

     (உரை I). எ - ன், இதுவும் அரசர்க்குரிய தொழில் உணர்த்...............று.

     (இ - ள்.) வேதாகமநூல் கற்ற வேதியர் நெறியிலே நின்று, ஆறு
சமயத்தையும் பரிகரித்தல், அமைச்சர் உரைத்தவற்றை இகழாது கொள்ளல்,
தளர்ந்த குடிகளைத் தாங்கல், முறைமை வழுவாமற் பொருளீட்டல், காலம்
பார்த்து ஆனை தேர் குதிரை காலாள் கருவிகளைச் சேர்த்துக் கொள்ளுதல்
அரசரது இயல்பு எ - று.

     விளங்கிய நூல் கற்றல் என்பது அறுபத்து நாலு கலைகளும் அறிய
உணர்தல் என்றவாறு. இனி, அவரைப் பரவும் செய்யுள் இயம்பும் வகை
அறிந்து புணர்க்க.

     (உரை - II). எ - து, அரசர் ஒழுக்கமாவது அறமென்னும் அறிவு
பிரகாசிக்கப்பட்ட தன்ம சாத்திரங்களும், பொருளென்று சொல்லப்பட்ட
காவிய லட்சணமும் சோதிட சாத்திரம் முதலான பல சாத்திரமும்,
இன்பமென்று சொல்லப் பட்ட ஐம்பத்தாறு தேசத்துட்பட்ட புருஷலட்சணமும்
பெண்ணின் லட்சணமும் அவரவர் புணர்ச்சியும் ஊடலும் பிரிவும்