(உரை I). எ - ன், ஒருசார் அரசர்க்கோதிய இலக்கணம் உணர்த்........று.

     (இ - ள்). தானைத் தலைவரை, ஏவல் பெற்றாரை, தமது
நாயகமாகியவரை அடுத்தவரது பகைவரைக் கோன்றொழிலாற் கூறலும்,
ஒழிந்த குறுநில மன்னரை முடியுடை மன்னவர் போல உரைத்தலும் செய்யுண்
மொழியின் முறைமை எ - று.

“அரச னருள்பெறி னெல்லார்க்கு முரித்தே காணிகை தவிர்தலும் விரித்துரை வேண்டலும் ஓங்கிய சிந்தையொடு தெய்வம் பணிதலும் அறுபது முதலா வைம்பதிற் றிரட்டி அனைவர்க்கு முரித்தே யாயுங் காலே”

என்பது பொய்கையார் கலாவியல்.

     (உரை II). எ - து, தானைத்தலைவர் முதலாகிய பேர்களைக்
குற்றளவுப் பாட்டினால் பாடலாம். குறுநில மன்னரை முடி புனைந்த
மன்னர்க்குச் சமமாகப் பாடலாம் எ - று.

     (கு - ரை.) தானைத்தலைவரை - சேனாபதிகளை. ஏவல் பெற்றாரை -
அரசன் ஏவும் காரியங்களைச் செய்யும் உத்தியோகஸ்தரை ; 35 ; 40, உரை.

     (பி - ம்.) ¹ ‘குற்றளவும்’ (13)