சா: டார்வின் - தார்வின்; டால்ஸ்டாய் - தால்சுதாய்; டார் - தார்;
டென்சிங் - தென்சிங்கு; டென்மார்க் - தென்மார்க்கு; டேனியல் - தேனியல்.

    முதல் எனத் தெளிவிற்கும் பெரும்பான்மைக்கும் கூறினும் பிறஇடை
கடைத்திரிபு வகையெல்லாம் கொள்க அவை:

378. நூ: தனிவல் லினமெய் இடைகடை வருங்கால்
        மெய்யிரட் டித்துமேல் உகரமும் பெறுமே

    பொ: தனித்து வல்லின மெய் தமிழில் நிற்றல் இன்மையால், அயன்
மொழிவழி அஃதொப்பவரின் அவ்வல்லினமெய், இரட்டித்தலும் சிலவிடத்து
மேல் உகரம் பெறுதலும் ஆகும்.

    சா: பக்வம் - பக்குவம்; யோக்யன் - யோக்கியன்; பாத்ரம் - பாத்திரம்;
போப் - போப்பு + ஐயர் = போப்பையர்; பஞ்சாப் - பஞ்சாப்பு; நியுயார்க் -
நியுயார்க்கு. இஃதொத்துத் திரிந்துவருவன பல்வகை. குத்புதீன் - குதுபுதீன்;
பத்மா - பதுமை.