சா: போல் - போன்ற - போல்கின்ற - போலும்; - (போலின்) போல -
போன்று.  செய்யின் என்றும் வாய்ப்பாட்டு வினையெச்சப் பொருள்
பெறாமையின் மேலது போலாது ஈரெச்சம் எனச் சுருங்கக் கூறப்பட்டது.

    சிறுவழக்கு: பருகுவார் போலினும் (திருக்குறள்)

135. நூ: மன் அசை உறுதி கழிவு நிலைபெறல்
        கொல் அசை ஐயம் இவை இவை தொன்மை

    பொ: மன்நாற் பொருளிலும் கொல் இரு பொருளிலும் வரும். 
இவைபோல்வனவெல்லாம் தொன்மை வழக்கு.

136. நூ: தானென் பொதுப்பெயர் ஏவின் திறம்பெறும்

    பொ: தான் என்னும் பொதுப்பெயர்ச் சொல் ‘ஏ’ என்னும் இடைச்சொல்லின் இயல்புறும்.

    சா: தமிழர்கள் இனிமேல்தான் விழிக்க வேண்டும் - தெளிவு உலகில்
இந்தியாதான் தெளிவுற வேண்டுவது - பிரிநிலை.  நான்தான் சொன்னேன்;
அவன்தான் செய்தான்.

        ‘கல்லைத்தான் மண்ணைத்தான் காய்ச்சித்தான்
        குடிக்கத்தான் கற்பித்தானா’?  என்பது அசை மிகை.
        அவனேதான் என ஏவின்பின்வருமே எனின்
        அவனாலேயே - என ஏயும் அத்திறம்படல் காண்க.

137. நூ: தோறும் என்பது ஒவ்வொருபொருள் தொகை.

    பொ: தோறும் என்னும் சொல் ஒவ்வொரு என்னும் பொருளில்
இரண்டு சொல் தொகும் பொருள் தரும்.

        ஞாயிறு தோறும் விடுமுறை
        நாள்தோறும் பயில்.