245. நூ: ஆய்வினை யெச்சம் தோய்வலி மிகுமே.

    பொ: ஆய் என முடியும் வினையெச்சம் வலிவரின் திண்ணமாய் மிகும்.

    சா: ஒன்றாய்ச் சென்றோம்; அன்பாய்ச் சொன்னார்.

ல, ள

246. நூ: லளக்கள் வலிவரின் றடவாம்: மேவும்.
        மெலியால் னணவாம்: இடையியல் பிருவழி.

    பொ: இருவழியும் ல, ள முன் வலி வந்தால் முறையே றவ்வாயும், டவ்வாயும் மாறும்.  மெலி முதல் வந்தடைந்தால் முறையே னவ்வும், ணவ்வும் ஆகும்.  இடைமுதல் வந்தால் இயல்பாம்.

    குடி, விலக்கு - அரிவாள் வெட்டு என்பதுபோல் முதனிலைத் தொழிற் பெயர்கள்.

247. நூ: குறில் லள தவ்வரின் ஆய்தம் ஆகப்
        பெறுதல் அல்வழி: சில்வழிப் பழமை.

    பொ: குறிலடுத்த ல, ளக்கள் ‘த’ம் முதல்வரின் அல்வழியில் ஆய்தம் ஆகப்பெறும்.  அஃதும் பழமை எடுத்துக்காட்டில் சிறுபான்மையே.

    சா: கல்+தீது=கஃறீது.  கள்+தீது=கஃடீது.

    ஆகப்பெறுதல் என்றதனால் ஆதல் முன் விதிப்படி கற்றீது முட்டீது என்று கொள்க.

248. நூ: குறிலுறா ல, ள தவ்வரின் அதனோ
        டொன்றி ற, டவும்; நவ்வொடு னணவுமாம்
        இருவழி: வலிமுன் திரிதலும் இயல்புமாம்.