என்பது, எழுத்துக்கள், அடிகளின் சொற்கள், இடைவிட்டும், இடைவிடாமலும் மாறி,
வேறே யொருபொருள் வந்து தோன்றுவது மடக்கணியாம். (5)

மடக்கு வருதற்குரிய அடிகள்

1134. அதுதான்,
     ஓரடி முதலா நான்கடி காறுஞ்
     சேரு மென்மனார் தெளிந்திசி னோரே.

என்பது, அம்மடக்கு, ஓரடிமுதலாக நான்கடியளவு நடக்கும்.

(வ-று.)

துறைவா துறைவார் பொழிற்றுணைவர் நீங்க
உறைவார்க்கு முண்டாங்கொல் சேவல்-சிறைவாங்கிப்
பேடைக் குருகாரப் புல்லும் பிறங்கிருள்வாய்
வாடைக் குருகா மனம்.

முதலடி மடக்கு.

கனிவா யிவள்புலம்பக் காலைநீ நீங்கில்
இனியா ரினியா ரெமக்குப்-பனிநாள்
இருவராத் தாங்கு முயிரன்றி யெங்குண்
டொருவராத் தாங்கு முயிர்.

இரண்டாம் அடிமடக்கு.

தேங்கானன் முத்தலைக்குந் தில்லைப் பெருந்தகைக்கு
ஓங்காரத் துட்பொருளா மொண்சுடர்க்கு-நீங்கா
மருளா மருளா தரித்துரைக்கு மாற்றம்
பொருளாம் புனைமா லையாம்.

மூன்றாமடி மடக்கு.

இவளளவுந் தீயுமிழ்வ தென்கொலோ தோயுங்
கவள மதமான் கடத்திற்-றிவளு
மலையார் புனலருவி நீயணுகா நாளின்
மலையா மலையா நிலம்.

நான்காமடி மடக்கு. (6)

இரண்டடி மடக்கு

1135. அதன்வகை,
      எழுவா யடியிரண் டிடையீ ரடிமுதல்