முகப்பு பக்கம் எண் :
தொடக்கம்
 
அறுவகையிலக்கணம்003
கருதிய தவமும், கருணையிற் சிறந்த
சுருதியிற்1 பழகிய தொண்டர்தம் துணைத்தாள்
மலர்தரு துகள்முதல் வயங்கும் மாண்பொருள்
சிலபெறும் தெளிவும், சீரிய புலவோர்
கவிக்கடல் அமுதுஉணும் களிப்பும், கதிர்முன்
குவித்தகை யுடன்தொழும் குழுவினர்2 உறவும்
புன்தலைச் சமணரைப் புலைத்தொழிற் புத்தரை
வென்றுஅகம் குளிர்சீர் விரும்பும் பகையும்
உறுவதால் திகழ்துணிவு ஒன்றால்
அறுவகை இலக்கணம் அறையலுற் றனமே.
4
நூற்பயன்
தனதன தனத்தன தனதானா
6.முதிர்தமிழ் முனிக்கு3 ஒரு துணைபோல்வார்
 முருகுஅவிழ் கடுக்கையன்4 உறவுஆவார்
 விதிர்தரும் அயிற்5குகன் அருள்சேர்வார்
 வினைஎனும் இருட்பிணி அறவாழ்வார்
 கதிர்நடு விழுப்பொருள் அதைநேர்வார்6
 கலிமுழுது ஒழித்துஅகம் மகிழ்கூர்வார்
 அதிர்தொனி அணிக்கவி தருசீர்ஆர்
 அறுவகை இலக்கணம் அறிவாரே.
(6)
1.
சுருதி-வேதம். இருக்கு முதலிய வேதங்கள் கொலை வேள்விகளை விதித்தலின் அவை கருணையற்றவை என்றும், ‘ஒன்றாக நல்லது கொல்லாமை’ எனப் புகட்டும் திருக் குறளே தலைசிறந்த வேதம் என்றும் இவ்வாசிரியர் பல இடங்களில் கூறியுள்ளார். இது பற்றியே இங்கும் கருணையிற் சிறந்த சுருதி எனச் சிறப்பித்தார். இது திருக்குறள்.
2.
 சூரியனை வணங்கும் அறுசமயத்தினர்
3.
 அகத்தியர்
4.
 மணம் பரப்புகின்ற கொன்றை மலர்களைச் சூடும் பெருமான்
5.
 பகைவர்களுக்கு அச்சத்தைத் தருகின்ற வேலை ஏந்தும்
6.
 இந்து சமயத்தினர் பெரும்பாலோர் பரம்பொருளின் திருவடிவைச் சூரிய மண்டலத்திருத்தித் தியானிப்பர். அதை நினைந்து கூறியது.
முன் பக்கம் மேல் அடுத்தபக்கம்