[நேரிசை வெண்பா]

     ‘இருநூற் றிருமுப்பத் தொன்றகவற் கேனை
     இருநூற்றோ டெண்ணான்கு வெள்ளைக் - கொருநூற்று
     முப்பத் திரண்டாம் முரற்கைக்1 கிவையறுநூற்
     றற்றமில் ஐயைந் தடி.2

 இருபத்திரண்டு தொடையாவன.

[நேரிசை வெண்பா]

     ‘மோனை இரண்டாம்; எதுகையோர் எட்டாகும்;
     ஏனை முரணைந் தியைபொன்றாம் - ஏனைப்
     பொழிப்பாதி ஐந்தும் குறிப்புத் தொடையோ
     டிழுக்கா இருபத் திரண்டு’

 என இவை.

     மோனை இரண்டாவன: அடிமோனையும் கிளை மோனையும் என இவை.

     எதுகை எட்டாவன: இரண்டாம் எழுத்து ஒன்றிய தூஉம், மூன்றாம் எழுத்து ஒன்றியதூஉம், சீர்முழுது ஒன்றிய தூஉம், கிளை எதுகையும், வன்பால் எதுகையும், மென்பால் எதுகையும், இடைப்பால் எதுகையும், உயிர்ப் பால் எதுகையும் என இவை.

     முரண் ஐந்தாவன: சொல்லும் சொல்லும் முரணுதலும், பொருளும் பொருளும் முரணுதலும், சொல்லும் பொருளும் சொல்லொடு முரணுதலும், சொல்லும் பொருளும் பொருளொடு முரணுதலும், சொல்லும் பொருளும் சொல்லினொடும் பொருளினொடும் முரணுதலும் என இவை.

     இயைபுத் தொடை, கிளை இன்மையின் ஒன்றே.

     பொழிப்பாதி ஐந்தாவன: பொழிப்பும், ஒரூஉம், செந்தொடையும், இரட்டைத் தொடையும், நிரனிறையும் என இவை.

     குறிப்புத் தொடையாவது, எழுத்து அல்லாது மொழி பெயர்ப்பு ஓசை. அது மாத்திரை குறித்து அலகு பெற வைக்கப்

  1. கலிக்கு. 2. யா. வி. 95 உரைமேற்.