‘எழுவாய் இரட்டித் திறுதி ஒன்றாய்
     வரினது மண்டில ஆசிரி யம்மே’.

 என்றாராகலின்.

     வரலாறு:

     ‘முதுக்குறைந் தனளே முதுக்குறைந் தனளே
     மலையன் ஒள்வேற் கண்ணி
     முலையினம் வாராள1 முதுக்குறைந் தனளே’.¹

 இது நேரிசை மண்டில ஆசிரியப்பா.

     பிறவும் வந்தவழிக் கண்டு கொள்க.

74) நிலைமண்டில ஆசிரியப்பா

     ‘ஒத்த அடியின ஆகியும் ஒற்றிற
     நிற்பவும் என்னும் நிலைமண் டிலமே’.

     ‘இஃது என் நுதலிற்றோ’ எனின், நிலைமண்டில ஆசிரியப்பா ஆமாறு உணர்த்துதல் நுதலிற்று.

     இதன் பொருள் : ஒத்த அடியின ஆகியும் - (நேரிசை, இணைக்குறள் போலாது) எல்லா அடியும் சீர் ஒத்து நின்றவாறே நின்று முடிவன ஆகியும், ஒற்று இற நிற்பவும் - அவ்வவற்று ஈற்றினும் யாதானும் ஓர் ஒற்றினையும் ஈறாக நிற்பனவும், என்னும் - ‘என்’ என்னும் அசைச் சொல் ஈறாக நிற்பனவும், நிலைமண்டிலமே - நிலைமண்டில ஆசிரியப்பா எனப்படும் (என்றவாறு).

     ‘நிற்பவும்’ என்ற உம்மையான், நூற்பா நிலை மண்டிலமும் பிறவும் ஏ, ஓ, ஈ, ஆ, ஐ என்னும் ஐந்து உயிரும் அல்லாப் பிற உயிரும் இசைவன எல்லாம் ஈறாகி வரப்பெறும் எனக் கொள்க.

     வரலாறு :

[நிலைமண்டில ஆசிரியப்பா]

     ‘வேரல் வேலி வேர்க்கோட் பலவின்
     சாரல் நாட! செவ்வியை ஆகுமதி;
     யாரஃ தறிந்திசி னோரே? சாரற்

  1 சிற்றெட்டகம். தமிழ்நெறி. பொருள். 22 மேற்., யா. வி. 32 உரைமேற்.
  பி - ம்.1 முலையும் வாரா.