[தரவு கொச்சகம்]

      ‘வேதவாய் மேன்மகனும் வேந்தன் மடமகளும்
      நீதியாற் சேர நிகழ்ந்த நெடுங்குலம்போல்
      ஆதிசால் பாவும் அரச வியன்பாவும்
      ஓதியவா றொன்ற மருட்பாவாய் ஓங்கிற்றே.’¹

[நேரிசை வெண்பா]

      ‘பாநாளாற் பாவோரை தாமொப்பப் பண்புணர்ந்த
      மாநா வலர்வகுத்த வாய்மையாற் - பாநான்கின்
      மூவிற் றினமும் மொழிப்புத்தேள் உண்மகிழப்
      பாவித்துப் பாடப் படும்.’

      ‘பண்பாய்ந்த ஏழு பதினா றிழிபுயர்வா
      வெண்பா அடிக்கெழுத்து வேண்டினார் - வெண்பாவின்
      ஈற்றடிக் கைந்தாதி ஈரைந் தெழுத்தளவும்
      பாற்படுத்தார் நூலோர் பயின்று.’²

      ‘முற்றுகரந் தானும் முதற்பாவின் ஈற்றடிப்பின்
      நிற்றல் சிறுபான்மை நேர்ந்தமையால் - மற்ற
      அடிமருங்கின் ஐயிரண்டோ டோரெழுத்து மாதல்
      துடிமருங்கின் மெல்லியலாய்! சொல்லு.

[இதன் ஈற்றடி பதினோரெழுத்து]

      ‘பாலன் றனதுருவாய் ஏழுலகுண் டாலிலையின்
      மேலன்று நீகிடந்தாய் மெய்யென்பர் - ஆலன்று
      வேலைநீர் உள்ளதோ, விண்ணதோ, மண்ணதோ?
      சோலைசூழ் குன்றெடுத்தாய்! சொல்லு.’³

      ‘எளிதின் இரண்டடியும் காண்பதற்கென் உள்ளம்
      தெளியத் தெளிந்தொழியும் செய்வே - களியிற்
      பொருந்தா தவனைப் பொரலுற் றரியாய்
      இருந்தான் திருநாமம் எண்ணு.’⁴

      இப் பொய்கையார் வாக்கினுள் முற்றியலுகரம் ஈறாய் வந்தன. பிறவும்
 வந்தவழிக் கண்டுகொள்க.

  1. யா. வி. 55. உரைமேற். 2.3 யா. வி. 62. உரைமேற்.
  3,4 திவ். இயற்பா. மு.தி. 69,51;         பி-ம். 1 யா.வி. 57. உரைமேற்.