எனவும் இவற்றுட் கண்டு கொள்க.

[கலி விருத்தம்]

     ‘முன்றில் எங்கும் முருகியப் பாணியும்
     சென்று வீழரு வித்திரள் ஓசையும்
     வென்றி வேழ முழக்கொடு கூடிவான்
     ஒன்றி நின்றதி ரும்மொரு பாலெலாம்.’¹

 என்னும் சந்தத்து நேரசை முதலாய் வருமடி பதினோரெழுத்து ஆயினவாறு.

     நிரையசை முதலாய் வருமடி, பன்னிரண்டு எழுத்தாம்.

     வரலாறு :

[கலி விருத்தம்]

     ‘அணங்க னாரன ஆடல் முழவமும்
     கணங்கொள் வாரணக் கம்பலைச் செல்வமும்
     மணங்கொள் வான்முர சும்வயல் ஓதையும்
     இணங்கி எங்கும் இருக்கையந் நாடெல்லாம்.’²

 என இதனுள் நிரையசை முதலாய் வரும் அடி பன்னிரண்டு எழுத்தாய் வந்தவாறு கண்டுகொள்க.

     சிந்தாமணி, சூளாமணி, குண்டல கேசி, நீல கேசி, அமிர்தபதி என்ற இவற்றின் முதற்பாட்டு வண்ணத்தான் வருவனவற்றில் நேரசை முதலாய் வரின், ஓரடி பதினான்கு எழுத்தாம்; நிரையசை முதலாய் வரின், ஓரடி பதினைந்தெழுத்தாம். பிங்கல கேசியின் முதற் பாட்டு இரண்டாமடி ஓரெழுத்து மிகுத்துப் புரிக்காகப் புணர்த்தார். அல்லன எல்லாம் ஒக்கும்.

     வரலாறு :

[கலி நிலைத்துறை]

     ‘மூவா முதலா உலகம் ஒருமூன்றும் ஏத்தத்
     தாவாத வின்பம் தலையா யதுதன்னின் எய்தி
     ஓவாது நின்ற குணத்தொண்ணிதிச் செல்வன் என்ப
     தேவாதி தேவன் அவன்சே வடிசேர்தும் அன்றே.’³

 எனவும்,

  1. சூளா. நாட்டுப். 7. 2. சூளா. நாட்டுப். 9. 3. சிந். கட. வாழ்.