5.    சிங்கஞ்சுமந்த மணியணைமிசைக்
          கொங்கிவரசோகின் கொழுநிழற்கீழ்ச¹
          செழுநீர்ப்பவளத் திரள்காம்பின்
          முழுமதிபுரையும் முக்குடைநிழல்
          வெங்கண்வினைப்பகை விளிவெய்தப்

     10.   பொன்புனைநெடுமதில் புடைவளைப்ப
          அனந்தசதுட்டயம் அவையெய்த
          நனந்தலையுலகுடை நவைநீங்க
          மந்தமாருதம் மருங்கசைப்ப
          அந்தரதுந்துபி ² நின்றியம்ப

     15.   இலங்குசாமரை எழுந்தலமர
          நலங்கிளர்பூமழை நனிசொரிதர

இனிதிருந்

          தருள்நெறி நடாத்திய ஆதிதன்
          திருவடி பரவுதும் சித்திபெறற் பொருட்டே.’¹

 இக்குறளடி வஞ்சிப்பாவினுள்² நாலசைச்சீர் பதினாறும் முதற்கண்ணே வந்தன, இவை பதினாறும் சிறப்பின்மையின், ‘பொதுச்சீர்’ என்பது காரணக்குறி.

     ‘பொது, சிறப்பின்மையைச் சொல்லுமோ?’ எனின், சொல்லும்.

 என்னை?

     ‘புலமிக் கவரைப் புலமை தெரிதல்
     புலமிக் கவர்க்கே புலனாம் - நலமிக்க
     பூம்புனல் ஊர! பொதுமக்கட் காகாதே;⁵
     பாம்பறியும் பாம்பின கால்.’¹

 இதனுள் பொதுவைச் சிறப்பின்மைக்கட் புணர்த்தார் சான்றோர் ஆகலின்.

     பிறரும் நாலசைச்சீர் எடுத்தோதினார். என்னை?

  1 பழமொழி, 5.

  பி - ம்.: 1 குளிர் நிழற்கீழ்ச் 2 அந்தரதுந்துபி. 3 காகாவாம்.