பழுமரம் - ஆலமரமுமாம். எமிய மென்றது தோழியையும் நினைந்து. மாலையில் தலைவர் உடனிருத்தல் இன்றியமையாமையின் அக் காலத்திலும் யாம் தனித்திருப்பத் துறந்தோரென்றாள். இனியர் கொல்லோ வென்றது இனியராயிராரென்னும் நினைவிற்று. ஓர் ஊரென்றது ஓரூரிலுள்ள கொல்லனை, உலை - அவனது உலை. தலை வரம்பு: தலை அசை நிலை.
ஒப்புமைப் பகுதி 2. பழுமரம்: பொருந. 64; சீவக. 93.
பையுண் மாலை: குறுந். 195:2, 391:6.
1-2. “பையுண் மாலைப் பழுமரம் படரிய, நொவ்வுப்பறை வாவனோன் சிறை” (தொல். களவு. 23, ந. மேற்.)
வாவல் மாலையிற் பழுமரம் நோக்கிச் செல்லுதல்: (குறுந். 352:1-5); “ஞாயிறு ஞான்று கதிர்மழுங் கின்றே .... வாவலும் வயின் றொறும் பறக்கும்” (நற். 218:1-3); “குறுஞ்சினை வேம்பி னறும்பழ முணீஇய, வாவ லுகக்கு மாலையும்”, “செல்லிய முயலிப் பாஅய சிறகர், வாவலுகக்கு மாலை” (ஐங். 339:2-3, 378:1-2.)
3. எமியம்: குறிஞ்சிப். 32; அகநா.33:12, 112:7, 371:10.
6. உலை வாங்கு மிதிதோல்: “மென்றோல், மிதியுலை” (பெரும் பாண். 206-7.)
5-6. ஒன்றுக்கு ஏழு கூறும் மரபு: குறுந்.24:4, ஒப்பு; குறள்,1278.
(172)
(பாங்கியிற் கூட்டத்தின்கண் தலைவன் தோழியிடம் குறையிரப்ப அவள் மறுத்தாளாக, “இனி மடலேறும் பரிகார மொன்று இருத்தலால், அது செய்ய நினைந்து நான் செல்கின்றேன்” என்று அவன் கூறியது.) 173. | பொன்னே ராவிரைப் புதுமலர் மிடைந்த |
| பன்னூன் மாலைப் பனைபடு கலிமாப் |
| பூண்மணி கறங்க வேறி நாணட் |
| டழிபட ருண்ணோய் வழிவழி சிறப்ப |
| 5 | இன்னள் செய்த திதுவென முன்னின் |
| றவள்பழி நுவலு மிவ்வூர் |
| ஆங்குணர்ந் தமையினீங் கேகுமா ருளெனே. |
என்பது குறைமறுக்கப்பட்ட தலைமகன் தோழிக்கு உரைத்தது.
(குறை - தலைவியைக் காணல் வேண்டுமென்ற காரியம்.)
மதுரைக் காஞ்சிப் புலவன். (பி-ம்) 3-4.‘நானப் பழிபடருண்ணோய்’, ‘நாணடப்பழி’;5.‘இன்னாள்’; 7. தமையினீரேகு மாறுளனே.
(ப-ரை.) பொன் நேர் ஆவிரை புதுமலர் மிடைந்த - பொன்னைப் போன்ற ஆவிரையின் புதிய பூக்களை நெருங்கக்