ஒப்புமைப் பகுதி 1. தலைப்புணை;அகநா 166:12, 266:3.

     3. புனலோ டொழுகல்: “காமர் கடும்புனல் கலந்தெம்மோ டாடுவாள், தாமரைக்கண் புதைத்தஞ்சித் தளர்ந்ததனோ டொழுகலால்” (கலி. 39:1- 2.)

     5. மாரிப் பித்திகம்: குறுந். 94:1, ஒப்பு.மு.குறுந். 168:1.

     6. மழைக்கண்: குறுந். 259:4, 329:7.

     5-6 பித்திகத்தின் அரும்பு சிவந்திருத்தல்: குறுந். 94:1-2, ஒப்பு.

     கண்ணின் கடைக்குப் பித்திகம்: “மாரிப் பித்திகத் தீரிதழ் புரையும்,அங்கலுழ் கொண்ட செங்கடை மழைக்கண்” (அகநா. 295:19-20.)

     7. துளிதலைத் தலைஇய: அகநா. 8:15, 132:9.

     தலைவி மேனிக்குத் தளிர்; குறுந். 62:4-5, ஒப்பு.

     5-7. தலைவியின் கடைக் கண்னுக்குப் பிச்சி அரும்பும் மேனிக்குத்தளிரும்: “மலிபெயற் கலித்த மாரிப் பித்திகத்துக், கொயலரு நிலையபெயலேர் மணமுகைச், செவ்வெரி நுறழுங் கொழுங்கடை மழைக்கட்,டளிரேர் மேனி மாஅ யோயே” (அகநா. 42:1-4.)

     மு. தோழிக்கும் தலைவிக்கும் உள்ள ஒற்றுமை: நற். 128:3-4;திருச்சிற். 81; இறை. மேற். “ஓங்கும் பெரும்புகழ்”

(222)

தலைவி கூற்று

(தலைவன் வரைபொருட்குப் பிரிந்த காலத்தில் வற்புறுத்திய தோழிக்கு,“முன் ஒரு கால் நின்சொற் கேட்டுத் தலைவனைக் கண்டு என் நலன் இழந்தேன். நலன் இழந்த புலம்பொடு இப்பொழுதும் கவல்வேனாயினேன்” என்று தலைவி கூறியது.)

223.	பேரூர் கொண்ட வார்கலி விழவிற்
	செல்வாஞ் செல்வா மென்றி யன்றிவண்
	நல்லோர் நல்ல பலவாற் றில்ல
	தழலுந் தட்டையு முறியுந் தந்திவை
5	ஒத்தன நினக்கெனப் பொய்த்தன கூறி
	அன்னை ஓம்பிய வாய்நலம்
	என்னை கொண்டான்யா மின்னமா லினியே.

என்பது வரைவிடை வேறுபட்ட கிழத்தியது வேறுபாடு கண்டுவற்புறுத்தும் தோழிக்குக் கிழத்தி உரைத்தது.

மதுரைக் கடையத்தார் மகன் வெண்ணாகன்.

     (பி-ம்.) 2. ‘யென்றிவண்’, ‘யென்றிவள்’; 3. ‘நல்லோநல்ல’, ‘றில்லே’; 6. ‘அன்னையன்றோம்பிய’; 7. ‘என்னைக்’, ‘மின்ன பாலினியே’.

     (ப-ரை.) தோழி, பெரு ஊர் கொண்ட ஆர்கலி விழவின் - முன்னொரு நாள் பெரிய ஊரினர் மேற்கொண்ட மிக்க