3. பி-ம். உளெனே வாழி தோழி: நற். 199:5.

     வாழி தோழி: குறுந். 260:4, ஒப்பு.

     4. "உரவுத்திரை பொருத திணிமண லடைகரை" (குறுந். 175: 2);"உரவுத்திரை, அடுங்கரை" (குறிஞ்சிப். 178-9.)

     மணலடைகரை: "மோட்டுமண லடைகரை" (அகநா. 10:11.)

     5. ஓரை மகளிர்: குறுந். 48:3, ஒப்பு; நற். 155:1, 398:5; கலி. 75:4.

     ஓராங்கு: குறுந்.38:5, 257:1.

     5-6. மகளிர் அலவனாட்டுதல்: குறுந். 303:7, ஒப்பு.

     4-6. மணலடைகரையில் அலவன் ஆட்டுதல்: "பன்மலர் வேய்ந்தநலம்பெறு கோதையள், திணிமண லடைகரை யலவ னாட்டி" (அகநா.280:2-3.)

     8. மு. ஐங். 162:4.

(316)

தோழி கூற்று

(தலைவன் பிரிந்த காலத்தில் ஆற்றாளாகிய தலைவியை நோக்கி,"தலைவன் குறித்த பருவத்தே வருவான்" என்று தோழி கூறி வற்புறுத்தியது.)

317.	புரிமட மரையான் கருநரை நல்லேறு
	தீம்புளி நெல்லி மாந்தி யயலது
	தேம்பாய் மாமலர் நடுங்க வெய்துயிர்த்
	தோங்குமலைப் பைஞ்சுனை பருகு நாடன்
5	நம்மைவிட் டமையுமோ மற்றே கைம்மிக
	வடபுல வாடைக் கழிமழை
	தென்புலம் படருத் தண்பனி நாளே.

என்பது பிரிவிடைக் கிழத்தியைத் தோழி வற்புறுத்தியது.

மதுரைக் கண்டரதத்தன் (பி-ம். மதுரைக் கண்டாகததன்.)

     (பி-ம்.) 3. ‘தேம்பிய மாமலர்’.

     (ப-ரை.) புரிமடம் மரையான் - விரும்புகின்ற மடப்பத்தையுடைய மரையானினது, கருநரை நல் ஏறு - கருமையையும் பெருமையையுமுடைய நல்ல ஆண், தீ புளிநெல்லி மாந்தி - இனிய புளிப்பையுடைய நெல்லிக்காயைத்தின்று, அயலது - அருகில் உள்ளதாகிய, தேம்பாய் மாமலர் - தேன் பரவிய அழகிய மலர்கள், நடுங்க வெய்து உயிர்த்து - நடுங்கும்படி வெப்பமாகிய மூச்சை விட்டு, ஓங்கு மலைபசு சுனை - உயர்ந்த மலையினிடத்துள்ள பசிய சுனைநீரை,பருகும் நாடன் - உண்ணுகின்ற நாட்டையுடைய தலைவன்,