(முடிபு) தோழி, நாடனொடு வளை நெகிழ்தலும் பசப்பூர்தலும் மருவேன்; காமம் பெரிது.

     (கருத்து) காமம் என்வரைத்தன்றி மிக்கது.

     (வி-ரை.) தலைவி தலைவனது பிரிவினால் மெலிந்தாள்; அதனால் வளை நெகிழ்ந்தது; மெய்யிற் பசலை உண்டாயிற்று. அதுகண்ட தோழி,"நீ இங்ஙனம் ஆற்றாயாதல் தக்கதன்று. அவர் நின்பொருட்டன்றேபிரிந்தனர்?” என்றாள். அப்பொழுது, “இவ்வேறுபாடு தலைவனால்உண்டாகவில்லை. எனக்கும் இவ்வேறுபாடு கொள்ளல் கருத்தன்று.ஆயினும் காமம் பெரிதாகலின் என்னளவில் நில்லாது இவை உண்டாகக்காரணமாயிற்று” என்று தலைவி கூறினாள்.

    மைபடு சிலம்பு - மேகங்கள் தாழ்ந்து மழை பெய்யும் மலை.மை படுவதை நோக்கி ஐவனம் வித்தினர்; பின்னர் மழை பொழியஅதனால் அருவி உண்டாக அதன் நீரால் ஐவனம் விளைந்தது. மேகம்பொழியுமென்னும் உறுதி பற்றி ஐவனத்தை வித்திப்பின்னர் விளைக்கும்நாடனென்றது, பின்னர் நலம் உண்டாகுமென்னும் உறுதிபற்றி இக்காமம்உண்டாயிற்றென்ற குறிப்பினது. நாடனொடு: ஒடுவுருபு ஆலுருபின்பொருளில் வந்தது. அது காமமென்றதில் அதுவென்றது அகரச்சுட்டின்பயத்ததாய் நின்றது.

     காமமோ: ஓ அசைநிலை. பெரிதே: ஏ அசைநிலை; தேற்றமுமாம்.

     ஒப்புமைப் பகுதி 1. வளை நெகிழ்தல்: குறுந். 11:1, ஒப்பு. மெய் பசத்தல்: ஐங். 29:5, 41:3-4, 217:4. 2. மைபடு சிலம்பு: கலித். 43:6.

    2-3. ஐவனம் வித்தி அருவியினால் விளைத்தல்: குறுந். 100:1, ஒப்பு.

     4. காமம் பெரிது: குறுந். 18:5, ஒப்பு.

(371)

தோழி கூற்று

(இரவுக்குறி வந்து ஒழுகாநின்ற தலைவன் சிறைப்புறத்தானாக,தலைவிக்குக் கூறுவாளாய், “இவ்வூரில் அலர் பெருகியது” என்றுதோழி வரைவின் இன்றியமையாமையைப் புலப்படுத்தியது.)

372.	பனைத்தலைக், கருக்குடை நெடுமடல் குருத்தொடு மாயக்
	கடுவளி தொகுத்த நெடுவெண் குப்பைக்
	கணங்கொள் சிமைய வணங்குங் கானல்
	ஆழிதலை வீசிய வயிர்ச்சேற் றருவிக்
5	கூழைபெ யெக்கர்க் குழீஇய பதுக்கை
	புலர்பதங் கொள்ளா வளவை
	அலரெழுந் தன்றிவ் வழுங்க லூரே.

என்பது இரவுக்குறி வந்து ஒழுகாநின்ற தலைமகன் கேட்பத் தோழிதலைமகட்குச் சொல்லுவாளாய்ச் சொல்லியது.