ஒடுங்கிய இடையிலும் கைகளிலும் தலையிலும், திகழ் செறித்த அரவம் -
விளங்குகின்ற நிறைந்த பாம்புகளின், பொறிக் கணம் பணத் தலை
மணிச்சுடிகையில் - புள்ளிகளைக் கூட்டமாகவுடைய படங்களின்
தலைகளிலுள்ள மணிகள் பொருந்திய உச்சிக்கொண்டைகளில், கதிர்கள்
பொங்கி விழ, ஒளிக் கதிர்கள் மிக்கு வீச;

     இச்செய்யுள் குளகம், செழு முச்சுடர் : பண்படுக்கு : மூச்சுடர் -
மூன்று + சுடர்; சுடர் : ஆகுபெயர்; உவமையணி புறக்கடை :
இலக்கணப்போலி; சிவந்து + இடை - சிவத்திடை, மென்தொடர் மொழியுட்
சில வேற்றுமையில் தம்மின வன்தொடர் ஆகா மன்னே; சுழலவே :
ஏகாரம் : அசை.
                                                   (113)

 

	திருமுகம் தனம் இடை கடிதடச் சிறப்பு
218.	மிடித்தவர் களைப்பொருள் மிகுத்தவர் வினைத்தொழில்    விளைப்ப தெனவே கொடிப்படர் பொருப்பென இடைக்கிடர் விளைத்தன    கும்ப வழகும் தடித்தின டிநிற்கும்இ ரதத்தைநி கர்பொற்கடி    தடத்தி னழகும் பொடித்தெழு வெயர்த்திரு முகத்தழ குமுற்றொளி    பொழிந்தொ ழுகவே.

     (இ - ள்.) மிடித்தவர்களைப் பொருள் மிகுத்தவர் வினைத்தொழில்
விளைப்பது என - வறுமையுற்றவர்களைப் பெருஞ்செல்வர்கள் கண்டு
மிகவுந் தொழில் புரிவித்து வருத்துவதுபோல், கொடிய படர் பொருப்பு
என இடைக்கு இடர் வினை தன கும்ப அழகும் - ஒரு கொடிமேல்
தங்குகின்ற இரண்டு மலைகள் போன்று இடைக்குத் துன்பம் விளைக்கின்ற
தனக் குடத்தின் அழகும், தடித்தின் அடி நிற்கும் இரதத்தை நிகர் பொன்
கடி தடத்தின் அழகும் - ஒரு மின்னலின் அடியிலே நிற்கிற
தேரைப்போன்ற அழகிய அல்குலின் அழகும், பொடித்து எழு வெயர்த்
திருமுகத் தழகும் - பொடிப்பொடியாக எழுகின்ற வியர்வைத் துளிகள்
பொருந்திய திருமுகத்தின் அழகும், முற்று ஒளி பொழந்து ஒழுக - நிறைவு
பெற்று ஒளி ததும்பி வடியவும்;

     இச்செய்யுள் குளகம். தனங்கள் இடையை வருத்துதல் செல்வர்
வறியவரைத் தொழில் செய்வித்து வருத்துவதுபோல என உவமை கூறலின்
உவமையணி. கொடிமேல் தங்குகின்ற பொருப்பு, மின்னலின் அடியில்
நிற்கின்ற தேர்; இல்பொருள் உவமைகள். தன கும்பம் : உருவகம்.
முலையாகிய குடம் என்க.
                                                   (114)

 

	முத்தலைச் சூல வெப்பச் சிறப்பு
219.	வேலைகள் எழுந்துலகம் ஏழினுட னேழையும்    விழுங்கி விடுமஅக் காலமுடி லிற்கொடிய ஊழிநெடு வெங்கனல்    கனன்றெரி தல்போல்