சாலவினை கொண்டுபொரு தாகுகனை வென்றவுணர்    தங்கள் குடரை மாலைஇடு கின்றதிரி சூலமிசை வெங்கனல்    வளைந் தெரியவே.

     (இ - ள்.) வேலைகள் எழுந்து உலகம் ஏழின் உடன் ஏழையும்
விழுங்கி விடும் அக் கால முடிவில் - கடல்கள் பொங்கி எழுந்து
பதினான்கு உலகங்களையும் அழித்துவிடும் ஊழிக்கால முடிவில், கொடிய
ஊழி வெங் கனல் - கொடுமையையுடைய ஊழிப் பெருந்தீ, கனன்று எரிதல்
போல் - கொதித்துப் பொங்கி எரிதல் போல், சால வினை கொண்டு
பொரு தாரகனை வென்று - பெரும் போர் புரிந்து தாரகா சுரணை
வென்று, அவுணர்தம் குடரை மாலையிடுகின்ற - அசுரர்களுடைய குடலை
மாலையாக அணிந்துகொள்கின்ற, திரிசூல மிசை - முவிலைச்
சூலத்தின்மேல், வெங் கனல் வளைந்து எரிய - வெப்பம் மிகுந்த
நெருப்பானது சூழ்ந்து எரிய;

     ஏகாரம் : ஈற்றசை. இச்செய்யுளும் குளகம். கீழ் ஏழு மேல் ஏழு
உலகங்கள்; தாருகனை வென்று எனவே தாருகாசுரனையுஞ் சூலத்தாற்
குத்திக் கொன்றது சூலம் என்பதும், அன்றியும் அசுரரையும் கொன்று
வென்று குடரை மாலையாகச் சூடியது என்பதும் விளங்கின. திரிசூலம் -
முத்தலை வேல் என்ற பெயரையுணர்த்தும், மூன்று நுனிகளையுடையது
சூலம்.
                                                    (115)

 

	வடி வாள் ஒளியும் கிடுகின் ஒலியும்
220.	பொடிப்பொடி திசைத்திசை தெறித்திடு சுடர்த்திரி    புரத் தழல்எனத் தடித்தெழு வலத்தது தடக்கைவடி வாள்ஒளி    தயங்கி எழவே அடிக்கடி எதிர்த்தலை அடித்தெழும் உகக்கடல்    அதிர்ச்சி எனவே இடிக்குரன் முழக்கென இடக்கையின் மணிக்கட    கிரைத் தசையவே.

     (இ - ள்.) பொடிப் பொடி திசைத் திசை தெறித்திடு சுடர் -
எல்லாத் திக்குகளிலும் பொடிப்பொடியாகத் தெறிக்கின்ற வாள் ஒளிச்
சுடரானது, திரிபுரத் தழல் என - முப்புரமெரித்த தீப்போல, தடித்து எழு
வலத்தது தடக்கை வடி வாள் ஒளி தயங்கி எழ - மின் போன்று எழுகின்ற
பெரிய வலது கையில் ஏந்திய கூர்மையாகிய வாளானது ஒளி விளங்கி
ஓங்கவும், அடிக்கடி எதிர்த்து அலை அடித்து எழும் உகக் கடல் அதிர்ச்சி
என - இடைவிடாமல் கரையோடு எதிர்த்து மோதி அலைவீசுகின்ற ஊழிக்
கடலின் பேரொலி போலவும், இடிக் குரல் முழக்கு என - இடிமுழக்கம்
போலவும், இடக்கையின் மணிக் கடகு இரைத்து அசைய - இடது
கையிலுள்ள மணிகள் பதிக்கப்பெற்ற கேடகம் ஒலிமுழக்கி அசையவும்;