ஆவலொடு நிற்பஒரு கோடியுள நன்னெறி    யமைச்ச ரெனவே போவனவும் மீள்வனவு மாவஒரு கோடியுள    பூத கணமே.

     (இ - ள்.) பூதகணம் - பூதக்கூட்டங்களில், காவல் முறை நிற்ப ஒரு
கோடி உள - காவற்கடமை பூண்டு வரிசையாக நின்று காவல்
புரிகின்றவை ஒரு கோடி இருக்கின்றன : கற்பனைகள் கற்று வழுவாது
ஏவலிடை நிற்ப ஒரு கோடி உள. குறிப்புணர்ந்து பிறழாது
ஏவல்புரிகின்றவை ஒரு கோடி இருக்கின்றன, கூடிய இடாகினிகள் மேல்
ஆவலொடு நிற்ப ஒரு கோடி உள - தங்களோடு சேர்ந்த பெண்
பூதங்கள்மேல் விருப்பத்தோடு நிற்கின்றவை ஒரு கோடி இருக்கின்றன,

     நல்நெறி அமைச்சர் எனவே போவனவும் மீள்வனவும் ஆவ ஒரு
கோடி உள - நல்ல நீதிகளையுணர்ந்த மந்திரிகள்போல காளியினருகே
போய்ப் போய்த் திரும்புகின்றவை ஒரு கோடி இருக்கின்றன. அரசர்
பக்கம் அணுகி அணுகி அரசரோடு அணுகியே இராது அகல்கின்ற
அமைச்சர்போல் பூதங்கள் காளியினருகே அணுகி அணுகி மீண்டன;
தொழிலுவமை அணி. ஏகாரம் : ஈற்றசை. இச் செய்யுளும் குளகம். நிற்ப :
அன்பெறா அகரவீற்றுப் பலவறி சொல். நிற்பன என்பது பொருள்.
                                                   (120)

 

	பசரச கணங்கள்புரி வீரச் செயல்கள்
225.	அச்சம தறத்தம துயிர்கொடை யளித்தவ    ரறுத்த தலையை வச்சிர மணிக்கடக நற்கர தலத்தினிடை    வைப்ப சிலவே இச்சையின் நரப்பலிகள் இட்டதலை யைக்கடி    தெடுத்தி றைவிமுன் பச்சுதிரம் முற்றொழுக வைப்பசத கோடிகள்    பசாச கணமே.

     (இ - ள்.) சில - சில பசாசுகள், அச்சம் அது அறத் தமது உயிர்க்
கொடை அளித்து அவர் அறுத்த தலையை - பயமில்லாமல் தம்முடைய
உயிரைக் கொடையாகக் கொடுத்துத் தாமே அறுத்து வைத்த தலைகளை,
வச்சிரமணிக் கடக நற்கரதலத்தினிடை வைப்ப - வயிரமணிகள் பதித்த
கடகங்கள் அணிந்த காளியின் கைகளில் கொண்டுவந்து வைக்கும்,
சதகோடி பசாச கணங்கள் - நூறுகோடி பிசாசுக் கூட்டங்கள், இச்சையில்
நரர் பலிகள் இட்ட தலையை- விருப்பத்தோடு நரபலி கொடுத்த
தலைகளை, கடிது எடுத்து - விரைந்து எடுத்துக்கொண்டு வந்து, இறைவி
முன்பச்சுதிரம் முற்று ஒழுக வைப்ப - காளியின் முன்னே புதிதாக
ஒழுகுகின்ற இரத்தம் முழுதும் வடியும்படி வைக்கும்.