காவலன் வந்து காளியைப் பணிதல்
229.	அம்பொனின் மணித்தவிசின் அம்பிகை இருப்பஅர    சர்க்க ரசனும் கம்பகர டக்களிறு வெம்பரி பதாதிகள்    கடைத்தலை நிறீஇக் கும்பமுனி தம்பியொ டருந்தவர் குலத்தரசர்    கூடி வரவே வம்புகுடி கொண்டமுலை மங்கைதிரு முன்றிலிடை    வந்து தொழுதான்.

     (இ - ள்.) அம்பொன் இன் மணித் தவிசின் அம்பிகை இருப்ப -
அழகிய பொன்னாற்செய்த மணிகள் பதித்த ஆசனத்தில் காளியம்மன்
எழுந்தருளியிருப்ப, அரசர்க்கு அரசனும் - வேந்தர் வேந்தனாகிய
அரிச்சந்திரனும், கம்ப கரடக் களிறு வெம் பரி பதாதிகள் கடைத் தலை
நிறீஇ - அசைகின்ற மதச்சுவடு பொருந்திய ஆண் யானைப் படையும்
கடுவேகமுடைய குதிரைப்படையும் காலாட்படையும் தலை வாயிலில்
நிறுத்தி, கும்பமுனி தம்பியொடு அருந்தவர் குலத்து அரசர் கூடி வரவே -
அகத்தியர் தம்பியான வசிட்டர் முதலிய பெருந்தவ முனிவர் குழாத்துடன்
அரசர்களும் சேர்ந்துவர, வம்பு குடி கொண்ட முலை மங்கை திரு
முன்றிலிடை வந்து தொழுதான் - கச்சு நிலைபெற்றிருக்கின்ற
தனங்களையுடைய காளிதேவியின் திருமுற்றத்திலே வந்து வணங்கினான்.

     நிறீஇ : சொல்லிசையளபெடை; வம்பு : வாசனையும் ஆம். உம்மை
சிறப்பும்மை. கும்பமுனி - குடத்தில் தோன்றிய அகத்தியமுனிவர். அவர்
முனிவர்கட்குத் தலைவர் அடுத்தபடியாகத் தலைமை பெற்றவர்
வசிட்டராதலின் அவர் கும்பமுனிவர் தம்பியானார். கடம் - மதம் பாய்
சுவடு.
                                                   (125)

 

	காவலன் காணக் கற்றேர் பொற்றேராதல்           அறுசீர் விருத்தம்
230.	நற்றேரை விட்டிறங்கி றாயகியைத் தொழுதிறைஞ்சி    நண்ணி ராசன் முற்றேரை நோக்குதலும் முடிவேந்தன் கருணைவிழி    முனைக டாக்கக்