|
(இ
- ள்.) துகிரினும் சிவந்த கால் துணை வெண் பேடையொடு -
பவளத்தைப் பார்க்கிலும் சிவந்த கால்களிரண்டுடைய வெண்ணிறமான
சக்கரவாகப் பேடுடனே, உகிரினும் அலகினும் ஒடுக்கு மீனுடன் - கால்
நகத்தினாலும் அலகினாலும் பிடித்து ஒடுக்கப்பட்ட மீன்களுடன், அம்
திகிரிப் புள் - அழகிய சக்கரவாகப் பறவைகள், படை பெயர -
பக்கங்களிற் பறந்து போக, திண் சிறைப் பகிரின் நீர் - உறுதியான
கரைகளினின்று மதகின் வழியே பகுத்துவிட்ட நீரின் அளவு, கடை உகப்
பௌவம் அன்னது - கடைஊழிக்காலத்திற் பொங்கி வருகிற கடல்போல்
மேலெழுந்து வரும்.
உகிரின்,
அலகின் : ஐந்தனுருபுகள் மூன்றனுருபுப் பொருளில்
வந்தன. இது உருபுமயக்கம். உகிரினும் - எண்ணும்மை; ஏகாரம்
:
ஈற்றசை. திகிரி - சக்கரம். அம் புள் - அழகிய பறவை; சக்கரவாகப்
புள்ளை உணர்த்தியது. பௌவம் - கடல்.
(137)
| 242. |
கூடிய
பிறநலக் கொள்கை கண்டழன்
றூடிய ஓதிமம் ஒளித்த தாமரை
வாடிய வாறுகண் டாவி மாய்ந்திடத்
தேடிய சேவறன் னுளந் தெளித்திடும். |
(இ - ள்.)
கூடிய பிற நலக் கொள்கை கண்டு உழன்று ஊடிய
ஓதிமம் - மற்றோர் அன்னப்பேட்டினைக் கூடித் தன் ஆண் அன்னம்
இன்பங்கொண்டதனைக் கண்டு வருந்திப் பணங்கிய பெட்டை
அன்னமானது, ஒளித்த தாமரை - ஆண் அன்னத்தை விட்டு ஒடி ஒளித்த
தாமரைப்பூ வாடியவாறு கண்டு - குவிந்த தன்மையைக் கண்டு, ஆவி
மாய்ந்திடத் தேடிய சேவல் தன் உளம் - (தனது துணை தாமரை மலர்
குவிதலால் உள்ளிருந்து இறந்துவிட்டதென்று தானும்) உயிர் விட நாடிய
ஆண் அன்னத்தின் மனத்தினை தெளித்திடும் - பெண் அன்னம்
அப்பூவிலிருந்து காட்சியளித்துத் தேற்றும்.
இணை பிரியா அன்னங்களின் அன்பினைப் புலப்படுத்தியவாறு.
பெண் அன்னத்தைக் காணாது கலங்கி உயிர் துறக்க வழிநாடிய ஆண்
அன்னம் தன் துணை கண்டு கலக்கந் தெளியும் என்பதாம்.
(138)
| 243. |
காற்றினிற்
கலைந்துயர் சினையிற் கான்றதேன்
ஆற்றினிற் பரந்தகல் வாலி யண்மியே
சேற்றினிற் பழகிய வயலிற் செந்நெலின்
நாற்றினிற் பரப்பன நாலு பாலுமே. |
(இ
- ள்.) காற்றினின் கலைந்து உயர் சினையிற் கான்ற தேன்
வீசுகின்ற காற்றினால் கலைந்து உயர்ந்த கிளைகளிலுள்ள தேன்
கூடுகளினின்று ஒழுகின தேனானது, ஆற்றினில் பரந்து அகல் வாவி
அண்மி - ஆற்றல் போய்ப் பரந்து அகன்ற குளத்தினைச் சேர்ந்து,
சேற்றினில் பழகிய வயலில் - சேற்றினால் இறுகுதலுடைய வயல்களில்,
நாலு பாலும் செந்நெல்லின் நாற்றினில் பரப்பன - நாலுபக்கங்களிலும்
செந்நெல் நாற்றுகளில் பரவிப் பாயும்.
|