|
(இ
- ள்.) வரை செறி வேழமும் மாவின் கூட்டமும் - மலை
களைப்போல் நிறைந்த யானைகளும் குதிரைக் கூட்டமும், விரை செறி
தார்ப்புய வேந்தர் மக்களும் - மணம் நிறைந்த மாலைகளையணிந்த
தோள்களையுடைய அரசகுமாரர்களும், பிரசமா மலர்க்குழல் பேதை
மாதரும் - தேன் ஒழுகப்பெற்ற சிறந்த பூக்களை அணிந்த
கூந்தலையுடைய பெண்களும், அரசனும் கங்கை நீராடி ஏறினிார் -
அரிச்சந்திரனும் கங்கையாற்றிலே முழுகிக் கரை ஏறினார்கள்.
வரை
செறி - வரைபோல நெருங்கிய என உவமையுருபு விரித்துக்
கொள்க. விரை செறி - மணம் நிறைந்த. பிரசம் மா மலர் - மணம்
நிறைந்த சிறந்த மலர் எனவும் பொருள் கொள்ளலாம்.
(144)
| |
கங்கையைக்
கடத்தல் |
| 249. |
அங்கைவேன்
மன்னவன் அருளின் நோக்கினோ மங்கைதன் கற்பினோ அமைச்சர் மாண்பினோ வெங்கயற்
கட்பெரு வெள்ளத் தோடும்போய்க் கங்கையைப் பெரும்படைக் கடல் கடந்ததே. |
(இ - ள்.)
அங்கை வேல் மன்னவன் அருளின் நோக்கினோ -
அழகிய கையில் வேலேந்திய அரிச்சந்திர மன்னனது
அருட்பார்வையினாலோ, மங்கைதன் கற்பினோ - சந்திரமதியின்
கற்பினாலோ, அமைச்சர் மாண்பினோ - மந்திரிகளின் நற்குண
நற்செய்கைகளினாலோ, வெம்கயல் கண் பெரு வெள்ளத்தோடும் போய் -
விரும்பத்தகும் கயல் மீன் போன்ற கண்களையுடைய பெண்கள்
பெருக்கத்துடன் சென்று, பெரும் படைக் கடல் - அந்த
அரிச்சந்திரனுடைய பெரிய சேனைக் கடல், கங்கையைக் கடந்தது -
கங்கையாற்றைக் கடந்தது.
ஏகாரம் :
ஈற்றசை; ஓகாரம் : ஐயப்பொருளில் வந்தது. அருள்
நோக்கமாவது மன்னன் தன்னுயிர்போல் மன்னுயிரைப் புரத்தல் கற்பாவது
மனத்தை ஒருவழி நிறுத்துதல். அமைச்சர் மாண்பாவது அறிவும் ஆற்றலும்
சொல்வன்மையும் முதலாயின. வெங்கயற்கட் பெருவெள்ளம் என்பது
கயற்கண் என்ற குறிப்பால் மங்கையர் கூட்டத்தை யுணர்த்தியது. மங்கையர்
மெல்லிய தன்மையுடையர்; வெள்ளத்தைக் கண்டால் அஞ்சுவர்;
அவர்களைக் கூட்டி ஆற்று வெள்ளத்தில் நீந்திக் கரையேறுவது அரிது
என்பது தோன்றத் தனியே எடுத்துக் கூறினர். வெள்ளத்தோடும் போய்
என்றது அதனருமையை விளக்கியது.
(145)
| |
கன்னமாபுரிக்
காட்சி |
| 250. |
அன்னம்ஆ
டும்துறை அகழும் வாவியும்
வன்னமா மதில்களும் மாட கூடமும்
பொன்னின்மா மேடையும் பொலிந்து தோன்றஅக்
கன்னமா புரிதனைக் கண்ணின் நோக்கினான். |
(இ
- ள்.) அன்னம் ஆடும் துறை அகழும் - அன்னப்பறவைகள்
விளையாடுகின்ற நீர்த்துறைகளையுடைய அகழிகளும், வாவியும் - குளங்
|