|
சூரியனுக்கு
மத்தியில் சந்திரன் தோன்றுதல் இன்மையின் இல்
பொருளுவமையணி; நேத்திரத்தின் : ஐந்தனுருபு ஒப்புப்பொருளில் வந்தது.
ஏகாரம் :
ஈற்றசை. கடி : உரிச்சொல். கதிர் தன் - தன்; சாரியை.
(154)
| |
அரிச்சந்திரனும்
படைகளும் வாயிலுட் புகுதல் |
| 259. |
அலங்கல்தங்கு
வேலினான்அ னீகவெள்ளம் அந்நகர்ப் பொலங்கலந்த மாமதில் புறம்பெலா நிறைந்துபின்
நிலங்கவர்ந் திடச்செறிந்த நீலவேலை ஏழும்ஓர் பிலங்க லந்த தென்னவே பெருத்தவாயில்
புக்கதே. |
(இ - ள்.)
அலங்கல் தங்கு வேலினான் அனீக வெள்ளம் -
வெற்றி மாலை தாங்கிய வேலாயுதத்தையுடைய அரிச்சந்திரனது சேனை
வெள்ளம், அ நகர் பொலம் கலந்த மா மதில் புறம்பு எலாம் நிறைந்து -
அந்த நகரத்தின் அழகுபொருந்திய பெரிய மதில்களின் வெளியிலெல்லாம்
நிறைந்து, பின் - பின்பு, நிலம் கவர்ந்திடச் செறிந்த நீல வேலை ஏழும் -
உலகத்தை விழுங்கும்படி நிறைந்த நீலநிறமான ஏழு கடல்களும், ஒரு
பிலம் கலந்தது என்னவே - ஒரு குகைக்குள் போய்ப் புகுந்தாற்போல,
பெருத்த வாயில் புக்கது - பெரிய கோட்டை வாசலில் புகுந்தது.
எலாம் : எல்லாம் என்பதன் தொகுத்தல்; ஏழும்
- உம்மை
முற்றும்மை. இல்பொருளுவமையணி; நீலக்கடலெழும் ஒரு குகைக்குள்
போய்ப் புகுவது உலகில் நிகழாத செயல். அதனை உவமையாகக்
கூறியதால்.
(155)
| |
அரிச்சந்திரன்
மண்டபஞ் சேர்தல் |
| 260. |
தோரணத்து
நீழல்மன்னு சோதிரத்ந வேதிகைப்
பூரணக்கு டங்களும் பொலிந்திலங்கு தீபமும்
காரணத்த மைச்சர்தந் தெருக்களும் கடந்துபோய்
வாரணத்தி ழிந்துமன்னன் மண்டபத்தில் எய்தினான். |
(இ
- ள்.) மன்னன் - அரிச்சந்திரனாகிய அரசன், தோரணத்து
நீழல் மன்னு சோதி ரத்ந வேதிகை - தோரணங்களின் நிழல் படுகின்ற
ஒளி பொருந்திய மாணிக்கத் திண்ணைகளின்மேல், பூரணக் குடங்களும்
பொலிந்து இலங்கு தீபமும் - நீர் நிறைந்த குடங்களும் சிறந்து
விளங்குகின்ற விளக்குகளும் காரணத்து அமைச்சர்தம் தெருக்களும்
கடந்து போய் - அரசாளுங் காரணத்தையுடைய அமைச்சர் வீதிகளும்
கடந்துபோய், வாரணத்து இழிந்து மண்டபத்தில் எய்தினான் -
யானையினின்று இறங்கி மன்னர் தங்கும் மண்டபத்தை அடைந்தான்.
நீழல்
- நிழல்; இது நீட்டல் விகாரம்; வாரணத் திழிந்து : ஐந்தாம்
வேற்றுமைத்தொகை. ரத்நம் - வடமொழி. குடங்களும் தீபமும்
தெருக்களும் கண்டு அவற்றைக் கடந்து மண்டபம் எய்தினான் என்று
கூட்டுக.
(156)
|