|
|
வாளைவென்
றிலங்கு கண்ணாள் மாமணக் காவ ணத்துள் நாளைவந் தெய்தும் இன்று நடமினுஞ் சார்பில்
என்றான். |
(இ
- ள்.) காளை தன் முகத்தை நோக்கி - சந்திரதயன் வீரனான
அரிச்சந்திரன் முகத்தைப் பார்த்து, எம்மால் கடவது ஒன்று இல்லை - எம்
விருப்பம்போல் எங்களால் செய்யக்கூடியது ஒன்றும் இல்லை, வேளை
வென்று இலங்கு கண்னான் - மன்மதனை எரித்து விளங்குகின்ற
நெற்றிக்கண்ணையுடைய சிவபெருமான், விதித்த ஆறே யாம் அளித்தும் -
அருளிச்செய்தபடியே நாங்கள் சந்திரமதியைக் கொடுப்போம். வாளை
வென்று இலங்கு கண்ணாள் - வாளினை வென்று ஒளிமிக்கு விளங்குகின்ற
கண்களையுடைய சந்திரமதி, மா மணக் காவணத்துள் - சிறந்த திருமணப்
பந்தலில், நாளை வந்து எய்தும் - நாளை வந்து சேர்வாள், இன்று நும்
சார்பு இல் நடமின் என்றான் - நீங்கள் இன்றைக்கு உங்கள் தங்கும்
இடங்களுக்குச் செல்லுங்கள் என்று கூறினான்.
காளை
: உவமையாகுபெயர்; மன்மதன் தேவர்கள்
வேண்டுகோளின்படி சிவபெருமானை மயக்கி யோகத்திருத்தலைக் கலைக்க
முயன்றான். சிவபெருமான் நெற்றிக்கண்ணை விழித்து மன்மதனை எரித்துப்
பின் உமாதேவியை மணந்து முருகனைத் தோற்றுவித்தார். மா மணம் :
உரிச்சொற்றொடர்; அளித்தும் : தன்மைப்பன்மை வினைமுற்று. ஏகாரத்தை
ஆறு என்பதனோடுங் கூட்டுக.
ஏகாரம் :
தேற்றம்; எய்தும் : செய்யும் என்னும் வாய்பாட்டு
வினைமுற்று; இல் : நான்காம்வேற்றுமைத்தொகை; நடமின் :
முன்னிலைப்பன்மை வினைமுற்று.
(163)
| |
மதிதயன்
மன்னவரைத் தத்தம் மனைக்குப் போக்கி
மாளிகை சேர்தல்
|
| 268. |
கைத்தலம்
சற்று நீட்டி மதிதயன் கட்டு ரைக்கத்
தத்தமக் களித்த சார்பில் சார்ந்தனர் அரசர் எல்லாம்
உத்தம குணத்தி னானும் ஓங்கு மண்டபத்தி னீங்கி
மத்தகக் களிற்றி லேறி மாளிகை இடத்துச் சார்ந்தான். |
(இ - ள்.)
மதிதயன் கைத்தலம் சற்று நீட்டிக் கட்டுரைக்க -
சந்திரதயன் கையைச் சிறிது நீட்டி நடவுங்கள் என்று சைகையுடன் உறுதி
கூற, அரசர் எல்லாம் தத்தமக்கு அளித்த சார்பில் சார்ந்தனர் - அரசர்கள்
எல்லாரும் தங்கள் தங்களுக்குக் கொடுக்கப்பட்ட தங்கும் இடங்களை
அடைந்தனர், உத்தம குணத்தினானும் ஓங்கு மண்டபத்தின் நீங்கி -
உத்தமமான நற்குணங்களுடைய அரிச்சந்திரனும் உயர்ந்த
கொலுமண்டபத்தை விட்டு அகன்று, மத்தகக் களிற்றில் ஏறி மாளிகை
யிடத்துச் சார்ந்தான் - மத்தங்கத்தையுடைய யானைமே லேறித் தான்
தங்கும் இடத்தை அடைந்தான்.
தம் + தம் - தத்தம்.
(164)
|