|
|
மன்னனும்
அன்னம் எனும்நடை மயிலும்
மணிநெடுந் தேர்மிசை ஏறிப்
பொன்அணி குடுமி நன்நெடுங் கபாடப்
புரிசைநீத் தப்புறம் போனார். |
(இ
- ள்.) இந்நெறி தளராது இறைவனும் மயிலும் இன்பம் உண்டு
இடைவிடாது இணங்கி - இத்தகைய இன்பமுறை தளர்ச்சி யடையாமல்
அரிச்சந்திரனும் மயிலன்ன சாயலுடைய சந்திரமதியும் இன்பந்துய்த்து
இடைவிடாமல் கூடி, கன்னமாபுரியில் சில பகல் கழீஇ - கன்ன மாபுரியில்
சிலநாட் கழித்து, பின் கடிநகர் எய்துவான் கருதி - பின்பு தனது
காவலையுடைய அயோத்தி நகரம் போகவேண்டும் என எண்ணி,
மன்னனும் - அரிச்சந்திரனும், அன்னம் எனும் நடை மயிலும் -
அன்னமன்ன நடையும் மயிலன்ன சாயலுமுடைய சந்திரமதியும், அணி
நெடுந் தேர்மிசை ஏறி - அழகிய பெரிய தேரின் மேல் ஏறி. பொன் அணி
குடுமி நன்னெடுங் கபாடப் புரிசை நீத்து - பொன்னால் அணி
செய்யப்பட்ட சிகரங்களையும் நல்ல பெரிய கதவுகளையுமுடைய
கன்னோசி நகரின் கோட்டையைக் கடந்து, அப்புறம் போனார் -
அப்புறம் சென்றார்கள்.
கழீஇ
: சொல்லிசை யளபெடை; கடிநகர் : உரிச்சொற்றொடர்.
எய்துவான் : வான் ஈற்று வினையெச்சம். கன்னமாபுரியிற் சிலநாட்
கழித்தனர். பின்னர் அயோத்திக்குச் செல்லத் தொடங்கினர். கோட்டையை
விட்டு நீங்கிப் புறத்தே வந்தனர் என்பது.
(257)
| |
அரிச்சந்திரனும்
சந்திரமதியும் கன்னமாபுரிவிட்டு நீங்கல் |
| 362. |
பன்னிறத்
தனந்தம் கதிரெழுந் தனபோல்
பலமணிக் குடைகள்மேல் நிழற்ற
நன்னெறித் தவளக் கொடிமிசை நெருங்க
நவமணிக் காகளம் ஆர்ப்ப
மின்னுறக் கொடிமேன் மருங்குலார் மருங்கு
மிடைந்துவெண் சாமரம் இரட்ட
அன்னிறப் பொழில்சூழ் கன்னமா புரியின்
அரணமும் அகழும்விட் டகன்றார்.
|
(இ
- ள்.) பன் நிறத்து அனந்தம் கதிர் எழுந்தனபோல் - பல
நிறங்களையுடைய பல சூரியர்கள் எழுந்ததைப்போல, பல மணிக்குடைகள்
மேல் நிழற்ற - பல மணிக்குடைகள் மேலே நிழலைச்செய்ய, நல் பல
நெறித் தவளக்கொடி மிசை நெருங்க - நன்னெறி போன்ற வெள்ளைக்
கொடிகள் மேலே நெருங்கவும், நவமணிக் காகளம் ஆர்ப்ப - நவமணிகள்
பதித்த எக்காளம் ஊதவும், மின்னிறக் கொடி மென் மருங்குலார் -
மின்னலைப்போல் ஒளிவிடும் கொடிபோன்ற மெல்லிய இடையையுடைய
பெண்கள், மருங்கு மிடைந்து - பக்கங்களிலே நெருங்கி, வெண் சாமரம்
இரட்ட - வெண் சாமரை வீசவும், அல் நிறப் பொழில் சூழ் கன்னமா
புரியின் - இருள்நிறமான சோலைகள் சூழ்ந்த கன்னமாபுரியினுடைய,
அரணமும் அகழும் விட்டு அகன்றார் - கோட்டையும் அகழியும் விட்டு
நீங்கினார்கள்.
|