|
(இ
- ள்.) மயிலே - மயில் போன்ற சாயலையுடையாய்!, மதகு
மங்கலம் முரசு எழு - மதகுகளின் நீர்வீழ்ச்சி மங்கலமுரசின் ஒலி போலத்
தோன்றவும், வண்டு வாழ்த்து இசைக்க - வண்டுகள் முழங்குவது
மங்கலவாழ்த்தொலிபோலத் தோன்றவும், உதிரம் ஒத்த செந் தாமரை -
குருதிபோலச் சிவந்த தாமரை மலர்கள், ஓமத்தீ வளர்ப்ப - வேள்வித் தீ
வளர்ப்பதுபோலத் தோன்றவும், புது மலர் - புதிய தாமரை மலரில், துணை
புணர் இள அன்னமும் பெடையும் - வாழ்க்கைத் துணையாகச் சேர்கின்ற
இளமையான ஆண் அன்னமும் பெடையும், வதுவை செய்வன ஒப்பன
கண்டருள் - மணமுடிப்பனபோலத் தோன்றுகின்றன அவற்றை நீ
காண்பாய்.
மதகில்
நீர் வீழ்ச்சியொலியை முரசொலியாகவும், வண்டு
முழங்குவதை வாழ்த்தொலியாகவும், செந்தாமரைப்பூவை
வேள்வித்தீயாகவும் உருவகஞ்செய்திருப்பதால் இஃது உருவகவணி.
(266)
| |
செந்தாமரை
மலரை எருமைக் கன்று கடிப்பது |
| 371. |
வெடித்த
வாற்சிறு கன்றுகண் வேதியின் முலைப்பால்
குடித்த வேம்பலால் அரும்பலர் கோகன கப்பூக்
கடித்து வாங்குதல் ஊடலின் மகளிர்கை கணவர்
பிடித்து வாங்குதல் ஒப்பது பெண்கொடி பாராய்.
|
(இ
- ள்.) பெண் கொடி - பெண்ணாகிய பூங்கொடியே!, வெடித்த
வால் சிறு கன்றுகள் - மேலே தூக்கிக்கொண்டிருக்கிற வாலையுடைய சிறு
கன்றுகள், மேதியின் முலைப்பால் குடித்த ஏம்பலால் - எருமையின்
மடியிற் பால் குடித்த மகிழ்ச்சியால், அரும்பு அலர் கோகனகப் பூக்
கடித்து வாங்குதல் - அரும்பாயிருந்து மலர்கின்ற தாமரைப்பூவைக் கடித்து
இழுத்தல், ஊடலில் மகளிர் கை கணவர் பிடித்து வாங்குதல் ஒப்பது -
ஊடற்காலத்தில் பெண்களின் கையை நாயகர் பிடித்து இழுப்பதுபோன்
றிருக்கின்றது, பாராய் - பார்ப்பாயாக.
எருமைக்
கன்றுகள் செந்தாமரை மலரைக் கடித்திழுப்பது
ஊடற்காலத்தில் மகளிர் செங்கையைக் கணவர் பிடித்திழுப்பது போலத்
தோன்றுகிறது பார் என்றான். இஃது உவமையணி.
(267)
| |
அன்னம்
மீன் அருந்தும் இயல்பு |
| 372. |
இத்த
டத்துமீன் அருந்திய அன்னங்கள் எல்லாம்
அத்த டத்தில்மொய்த் திழிவன அருநிதி எல்லாம்
தத்த மக்களித் திழந்தவர் தங்களைத் துறந்து
கைத்து ளார்கட்செல் கணிகையர் ஒப்பன காணாய். |
(இ - ள்.)
இத்தடத்து மீன் அருந்திய அன்னங்கள் எல்லாம் -
இந்தக் குளத்தில் மீன் கொத்தித் தின்ற அன்னங்கள் எல்லாம்,
அத்தடத்தில் மொய்த்து இழிவன - அந்தக் குளத்தில் நெருங்கியிருந்து
நீரில் இறங்குகின்றவாகிய தன்மை, அருநிதி எல்லாம் - அருமையான
பொருள் முழுதும், தத்தமக்கு அளித்து - பொதுமகளிர்க்கே கொடுத்து,
இழந்தவர்
|